Вы тут

Прадстаўнікі БДУ і БДУІР выйгралі 4 медалі на 26-й Міжнароднай студэнцкай алімпіядзе


Прадстаўнікі БДУ і БДУІР у складзе нацыянальнай зборнай увайшлі ў топ-20 найлепшых удзельнікаў каманднага заліку на 26-й Міжнароднай студэнцкай алімпіядзе па матэматыцы. Іntеrnаtіоnаl Mаthеmаtісs Соmреtіtіоn (ІMС) — адзін з самых прадстаўнічых міжнародных спаборніцтваў сярод студэнтаў.


На рахунку ў беларускай каманды два залатыя, сярэбраны і бронзавы медалі. «Золата» зборнай прынеслі трэцякурснік факультэта прыкладной матэматыкі і інфарматыкі БДУ Ягор Дубовік і студэнт другога курса факультэта камп'ютарных сітэм і сетак БДУІР Яўген Мінаў. «Серабро» заваяваў магістрант хімічнага факультэта БДУ Андрэй Сямёнаў. «Бронзу» — першакурснік факультэта камп'ютарных сістэм і сетак БДУІР Яўген Баяк.

Усяго сёлета ўдзельнікамі алімпіяды сталі 360 студэнтаў са 120 ВНУ, якія прадстаўлялі 52 краіны Еўропы, Азіі, Афрыкі, Паўночнай і Паўднёвай Амерыкі. Маладым матэматыкам у рамках двух тураў прапаноўвалася на англійскай мове рашаць дзесяць задач. Іх тэматыка аб'яднала розныя кірункі: тэорыю лічбаў, камбінаторыку, лінейную алгебру і матэматычны аналіз. Кожны тур доўжыўся пяць гадзін.

Міжнародная алімпіяда — гэта арыгінальныя задачы, у якіх трэба разважаць і прапаноўваць падыходы, не апісаныя ў падручніках. Як канстатуюць нашы пераможцы, па ўмове задачы не заўсёды магчыма вызначыць яе складанасць: рашэнне можна запісаць у два радкі, а можна не ўціснуць і на аркуш. Выдатнае выступленне — гэта рашыць столькі заданняў, колькі дазваляе твой узровень ведаў, не згубіць балы на памылках і не заблытацца ў тым, што ты ведаеш.

Надзея НІКАЛАЕВА

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.