Вы тут

Мясніковіч: для выхавання сучаснага грамадзяніна важна аб'яднаць намаганні сям'і і школы


Старшыня Савета Рэспублікі Міхаіл Мясніковіч прыняў удзел у адкрыцці новай СШ № 2 у Фрунзенскім раёне Мінска.


Фота БелТА.

Міхаіл Мясніковіч падчас урачыстай лінейкі адзначыў, што для выхавання сучаснага грамадзяніна важна аб'яднаць намаганні сям'і і школы. «Няправільны будзе разлік на тое, што толькі школа падрыхтуе, выхавае сучаснага грамадзяніна. Сям'я і школа павінны вырашаць гэтую задачу разам. Аб'яднанне намаганняў дасць сінергетычны эфект», — падкрэсліў старшыня Савета Рэспублікі. Ён пажадаў поспехаў школьнікам, педагогам і бацькам. Асобна спікер павіншаваў першакласнікаў (іх у СШ № 2 — 225), для якіх гэты дзень стаў асабліва важны і запамінальны.

Вучняў і педагагічны калектыў Арэхаўскай сярэдняй школы віншаваў старшыня Палаты прадстаўнікоў Нацыянальнага сходу Беларусі Уладзімір АНДРЭЙЧwАНКА. А 21 год таму ён у якасці старшыні Віцебскага аблвыканкама адкрываў гэту ўстанову адукацыі якраз да Дня ведаў.

Уладзімір Андрэйчанка зазначыў, што ў нашай краіне шмат робіцца для развіцця сферы адукацыі, якая з'яўляецца адным з прыярытэтаў дзяржаўнай палітыкі. І належная ўвага ўдзяляецца ўстановам, якія знаходзяцца не толькі ў сталіцы ці абласных цэнтрах, а і
ў невялікіх гарадах, аграгарадках.

«Літаральна праз пару тыдняў мы ва Ушачах будзем адкрываць пасля капітальнай рэканструкцыі дзіцячыя яслі-сад, будуецца новая школа мастацтваў», — нагадаў старшыня Палаты прадстаўнікоў.

Урачыста адкрылі сярэднюю школу № 11 у Брэсце, дарэчы, самую вялікую ў рэгіёне. Павіншаваць навасёлаў прыйшлі прэм'ер-міністр краіны Сяргей РУМАС і старшыня аблвыканкама Анатоль ЛІС.

На будаўніцтва і аснашчэнне трохпавярховага будынка затрачана 33 мільёны рублёў. У адну змену тут будуць займацца 1480 дзяцей. Адных толькі першакласнікаў сядзе за парты каля 500 чалавек, а ўсяго школьны вучнёўскі калектыў складаецца з 1960 чалавек. Навучанне будзе весціся ў дзве змены.

Цікава, што трыма днямі раней у абласным цэнтры адкрылі яшчэ адну ўстанову адукацыі. Гэта вучэбна-педагагічны комплекс «Яслі-садок — пачатковая школа № 11», якая прыняла вучняў і выхаванцаў у новым паўднёва-ўсходнім мікрараёне. Школа разлічана на 150 дашкольнікаў і 321 вучня пачатковых класаў.

Побалаўская сярэдняя школа Рагачоўскага раёна на ўрачыстай лінейцы, прысвечанай Дню ведаў, атрымала ў падарунак ад Савета Міністраў сучасны камп'ютарны клас. Адпаведны сертыфікат уручыў першы намеснік прэм'ер-міністра Аляксандр Турчын.

З цёплымі пажаданнямі звярнуўся да прысутных і старшыня Гомельскага аблвыканкама Генадзь Салавей. Старшыня аблвыканкама таксама ўручыў школе сертыфікат на Br15 тыс. для набыцця спартыўнага інвентару і абсталявання для харчаблока.

Школу ў новым мікрараёне Альшанка Гродна можна назваць самай вялікай. Сёлета сюды прыйшлі 1800 чалавек. Толькі першакласнікаў тут налічваецца больш за чатыры сотні. Але яе ўнікальнасць — і ў абсталяванні. Гэта адзіная школа, дзе есць адразу два басейны.

А вось новая школа ў Астраўцы больш разлічана на перспектыву. Пры праекце на 765 месцаў сёлета тут будуць вучыцца 433 вучні. Але ў школе ўпэўнены, што ў будучым колькасць дзяцей павялічыцца.У Астраўцы хуткімі тэмпамі вядзецца будаўніцтва новага жылога мікрараёна.

Установа самая сучасная — прасторныя вучэбныя класы, камп'ютарныя і лінгафонныя кабінеты, спартыўная і трэнажорныя залы, актавая зала на 280 месцаў, сучасны харчовы блок, утульная сталовая. Тут створана 100 рабочых месцаў.

Загаловак у газеце: Падарожжа ў краіну ведаў

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.