Вы тут

​Трохі пасвяжэе, але ў сярэднім 20—25 цяпла


З цудоўнага, амаль ліпеньскага надвор'я пачаўся верасень. Але халодны атмасферны фронт, які ўчора размясціўся над Польшчай, ужо сёння ўносіць змены ў характар надвор'я. Цяпло павольна адсоўваецца далей на ўсход, паведамілі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


Заўтра надвор'е ў асноўным будзе фарміраваць вобласць павышанага ціску, толькі ўначы і раніцай на ўсходзе краіны захаваецца ўплыў атмасфернага фронту. У гэты дзень будзе пераважна без ападкаў, толькі ўначы і раніцай па ўсходзе краіны месцамі пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе ад плюс 6 да плюс 13 градусаў, па ўсходзе — да 15 цяпла. А ўдзень будзе адносна камфортна і ад плюс 18 градусаў да 24 цяпла.

Паляпшэнне надвор'я будзе назірацца ў чацвер. Чакаецца надвор'е наогул без ападкаў. Тэмпература паветра ўначы складзе ад 6 да 13 градусаў вышэй за нуль, удзень — 18—25 цяпла.

Паводле папярэдніх прагнозаў айчынных спецыялістаў, у пятніцу і суботу атмасферны ціск пачне падаць, будзе больш аблокаў. Месцамі па краіне пройдуць кароткачасовыя дажджы, магчымыя навальніцы. Уначы і раніцай у асобных раёнах чакаецца слабы туман. Вецер прагназуецца паўднёвы ўмераны, пры навальніцах парывісты. Тэмпература паветра ўначы складзе ўсе тыя ж плюс 6—13 градусаў вышэй за нуль. А вось удзень будзе ўжо халадней — плюс 16—23 градусы, а па поўдні краіны ад плюс 24 да плюс 26 градусаў. У нядзелю пад уплывам франтальнага раздзелу дажджоў стане больш.

Сяргей КУРКАЧ

Загаловак у газеце: Цёпла, як летам

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.