Вы тут

Яцэк Палкевіч: Мая мама вучылася ў Гродне


Сусветна вядомы падарожнік будзе спрыяць «пацяпленню адносін паміж народамі».


Фота belta.by

«Пасол міру, падарожнік, журналіст, унікальная з'ява сучаснасці» — так пісьменнік Валерый Казакоў прадставіў публіцы, якая сабралася ў кнігарні «Светач», свайго сябра Яцэка Палкевіча. Славуты італа-польскі рэпарцёр-даследчык, член Рускага геаграфічнага таварыства і Каралеўскага геаграфічнага таварыства ў Лондане прыбыў у нашу краіну на пяць дзён. У насычанай праграме візіту — удзел у Дні беларускага пісьменства ў Слоніме.

Там пан Яцэк прадставіць чытачам сваю кнігу «Па бездаражы свету». Сфера інтарэсаў Палкевіча-вандроўніка — далёкія экзатычныя краіны. А ў Беларусі ён другі раз. Першы візіт быў вельмі кароткі: прыляцеў, прачытаў лекцыю і зноў на самалёт. Цяпер жа ён плануе лепш пазнаёміцца з нашай краінай. «Вельмі рады запрашэнню ў Беларусь, таму што мая мама ў 30-я гады мінулага стагоддзя вучылася ў Гродне ў каледжы. Мне будзе цікава ўбачыць гэты горад, — сказаў Яцэк Палкевіч. — А бацькі жылі за 30 кіламетраў ад сучаснай польска-беларускай граніцы».

Яцэк Палкевіч з'яўляецца аўтарам больш чым 30 кніг, якія перакладзены на сотні моў народаў свету. Яго вопыт журналіста, падарожніка ды проста чалавека, які ўмее сябраваць, знайсці выхад са складанай сітуацыі, унікальны. «Мы прывыклі думаць, што геніі — гэта класікі, а на самай справе геній той, хто жыве побач», — рэзюмаваў пісьменнік Валерый Казакоў. А Яцэк Палкевіч гатовы дзяліцца сваім вопытам, таму выступіць з лекцыямі перад студэнтамі Гродзенскага ўніверсітэта і БДУ. І паверце, гэта будзе не сумна!

Аксана ЯНОЎСКАЯ

Выбар рэдакцыі

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.

Грамадства

Што рабіць з безнагляднымі жывёламі?

Што рабіць з безнагляднымі жывёламі?

Пасля праходжання юрыдычнай экспертызы на разгляд урада паступiць праект пастановы Савета Мiнiстраў «Аб пытаннях па абыходжаннi з жывёламi».

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.