Вы тут

Канец жніўня і пачатак верасня чакаюцца гарачыя


Сёлетняе лета, здаецца, вырашыла завяршыць свой час мажорным акордам. Цёплае і без ападкаў надвор'е, якое пануе ў Беларусі ўжо больш за тыдзень, свае пазіцыі пакуль здаваць не збіраецца. Падрабязней пра сінаптычную абстаноўку расказалі спецыялісты Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды.


У пятніцу, аднак, антыцыклон, які забяспечыў нам камфортнае надвор'е цягам апошніх дзён пачне адступаць. З Польшчы да нас будзе змяшчацца франтальны падзел. Але істотна надвор'е ён не пагоршыць. Пераважна па паўночна-заходняй палове чакаюцца кароткачасовыя дажджы, месцамі прагрымяць навальніцы. Але будзе цёпла — 21—27 цяпла, а па захадзе і наогул да плюс 31.

У суботу франтальны падзел разам з дажджамі перамесціцца на ўсходнія раёны Беларусі. А з захаду да нас прыйдзе новы цёплы антыцыклон. У начныя і ранішнія гадзіны месцамі згусцяцца невялікія туманы. Слупкі тэрмометраў уначы пакажуць ад 12 да 17 са знакам «плюс», а ўдзень будзе ад 22 да 29 градусаў.

Пачатак верасня выдасца яшчэ цяплейшы. У нядзелю ападкаў на тэрыторыі Беларусі не чакаецца ўвогуле, а вось у панядзелак па крайнім захадзе невялікія навальнічныя дажджы ўсё ж магчымыя. Ноччу і раніцай чакаюцца слабыя туманы. Вецер будзе лёгкі, але ў панядзелак узмоцніцца да ўмеранага. Тэмпература паветра ўдзень дасягне 25—32 градусаў. Уначы таксама холадна не будзе — ад 10 да 18 цяпла.

Валяр'ян ШКЛЕННІК

Загаловак у газеце: Цяпло не адступае

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.