Вы тут

Стартавала ініцыятыва «Зялёная эканоміка саду для будучага вёскі»


У Краснапольскім раёне стартавала экалагічная ініцыятыва мясцовага фонду развіцця «Старт-Усход» «Зялёная эканоміка саду для будучага вёскі». Яна атрымала падтрымку на конкурсе экалагічных ініцыятыў, які праводзіўся летась.


Майстар-клас па акуліроўцы пладовых дрэў у Пачапоўскім ВПК. Фота Рамана Язерскага

З усёй краіны на яго паступіла 136 заявак. Але выбрана было ўсяго 11, у тым ліку і краснапольская. Мясцовы фонд развіцця «Старт-Усход» будзе рэалізоўваць яе ў партнёрстве з васьмю ўстановамі адукацыі Краснапольскага, Слаўгарадскага, Быхаўскага і Чэрыкаўскага раёнаў і дзяржаўнай прыродаахоўнай установай «Слаўгарадская «Блакітная крыніца». Адпаведна з праектам, да снежня 2020 года на тэрыторыі ўсіх гэтых раёнаў будзе створана сетка з 10 садаводчых гадавальнікаў, на базе якіх запрацуюць рэсурсныя цэнтры, дзе спецыялісты стануць навучаць удзельнікаў праекта, як з карысцю задзейнічаць пустуючыя прышкольныя ўчасткі і агароды грамадзян. Гэта ініцыятыва дапаможа рэалізаваць бізнес-планы 100 сем'ям — яны атрымаюць саджанцы для арганізацыі сваіх асабістых садоў і такім чынам змогуць палепшыць свае даходы.

Як адзначыла старшыня Краснапольскага райсавета дэпутатаў Анжаліка Гоман, у раёне ёсць станоўчы вопыт па рэалізацыі падобнага праекта і стварэння гадавальніка і саду пладова-ягадных і дэкаратыўных культур на базе Пачапоўскага і Казельскага вучэбна-педагагічных комплексаў. Гэтая дзейнасць дапамагла ўстановам палепшыць свой эканамічны стан і выхаваць у дзяцей цікавасць да работы на зямлі. Цяпер тут гатовы падзяліцца карыснымі парадамі з іншымі.

Ініцыятыва мясцовага фонду развіцця «Старт-Усход» рэалізуецца ў рамках праекта ПРААН «Далучэнне грамадскасці да экалагічнага маніторынгу і паляпшэння кіравання аховай навакольнага асяроддзя на мясцовым узроўні» ў партнёрстве з Міністэрствам прыродных рэсурсаў і навакольнага асяроддзя Рэспублікі Беларусь і фінансуецца Еўрасаюзам.

Нэлі ЗІГУЛЯ

Загаловак у газеце: Конкурс экалагічных ініцыятыў

Выбар рэдакцыі

Грамадства

Міністр аховы здароўя расказаў пра стан медыцыны ў краіне

Міністр аховы здароўя расказаў пра стан медыцыны ў краіне

У 2019 годзе медыцынскую дапамогу ў Беларусі аказвалі на належным узроўні.

Эканоміка

Ці можна гандляваць у падземных пераходах?

Ці можна гандляваць у падземных пераходах?

Быў час, калі людзі, якія гандлявалі ў пераходах, «ставілі» на выхадзе з перахода чалавека, які папярэджваў аб набліжэнні міліцыянераў.

Грамадства

У чым сутнасць вішынгу — аднаго з відаў махлярства

У чым сутнасць вішынгу — аднаго з відаў махлярства

З выкарыстаннем сацыяльнай інжынерыі. 

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.