Вы тут

Аб правілах бяспечных паводзін на дарозе напамінаюць супрацоўнікі Дзяржаўтаінспекцыі


У Гомелі прафілактычная акцыя «Бяспечная дарога ў школу!» стартавала на плошчы Паўстання. Там інспектары ДАІ ўручалі школьнікам — пасажырам транспартных сродкаў канцылярскія прылады. Пеналы, наборы алоўкаў, альбомы, а таксама святлоадбівальныя элементы і тэматычныя памяткі пра бяспеку дарожнага руху абавязкова спатрэбяцца дзецям на працягу навучальнага года. Адначасова з малымі і дарослымі праводзіліся прафілактычныя гутаркі аб правілах паводзін на дарозе.


Інспектар аддзялення па агітацыі і прапагандзе ДАІ УУС Гомельскай вобласці Дар'я Смаляк расказала, што каля адной з вялікіх крамаў у абласным цэнтры прайшла сумесная акцыя Дзяржаўтаінспекцыі, Савецкай раённай арганізацыі Беларускага таварыства Чырвонага Крыжа і навучэнцаў школы № 43:

— Падчас правядзення інфармацыйна-прафілактычнай акцыі «Па дарозе ў школу» школьнікі не толькі ўручалі мінакам памятку пра асновы бяспекі на дарозе, але і прапаноўвалі адказаць на некалькі пытанняў віктарыны. Усе, хто хацеў, маглі пакінуць на стэндзе свае пажаданні ўдзельнікам дарожнага руху. Дарэчы, і тут былі падарункі: шарыкі з парадамі і флікеры.

Цяпер у абласным цэнтры праходзіць акцыя Дзяржаўтаінспекцыі «Бяспечная дарога ў школу!». На працягу тыдня супрацоўнікі ДАІ кантралююць перавозку дзяцей у аўтамабілях. Тым кіроўцам, што перавозяць дзяцей без парушэнняў і з выкарыстаннем утрымліваючых прылад, дораць сувенірную прадукцыю, а маленькім пасажырам — канцылярскія прылады да школы.

Між тым супрацоўнікі ДАІ Гомельшчыны на патэнцыйна небяспечных пешаходных пераходах, а таксама каля ўстаноў адукацыі ініцыявалі нанясенне дарожнай разметкі, якая павінна садзейнічаць псіхалагічнаму стрымліванню хуткасці руху транспартных сродкаў.

Цяпер каля школы № 72 па вуліцы Галавацкага ў Гомелі і побач з Азершчынскай школай № 1 у Рэчыцкім раёне праезная частка візуальна звужаецца. Такая мера таксама змяншае верагоднасць несанкцыянаванай паркоўкі транспартных сродкаў бліжэй чым за 15 метраў ад пешаходных пераходаў. Хутка аналагічная разметка з'явіцца і на вуліцы Карповіча, каля сярэдняй школы № 11 у Гомелі, а таксама побач з некаторымі школамі ў Мазыры.

Акцыя «Бяспечная дарога ў школу!» падоўжыцца да 31 жніўня, а ўжо 2 верасня супрацоўнікі Дзяржаўтаінспекцыі прымуць удзел ва ўрачыстых лінейках, прысвечаных новаму навучальнаму году. Вядома ж, яны не толькі павіншуюць школьнікаў са святам, але і нагадаюць пра самыя галоўныя правілы бяспекі на дарозе.

Ірына АСТАШКЕВІЧ

Фота атрымана ад прэс-службы УДАІ УУС Гомельскага аблвыканкама

Загаловак у газеце: Разметка каля школ

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Неспадзяваныя падарожжы. Як не згубiцца ў лесе?

Неспадзяваныя падарожжы. Як не згубiцца ў лесе?

Цёплае i вiльготнае надвор'е, якое вось ужо чацвёрты тыдзень з невялiкiмi перапынкамi пануе ў Беларусi, штурхае да таго, каб пайсцi ў лес.