Вы тут

У якіх выпадках наймальнік можа істотна змяніць умовы працы работніка?


«Патлумачце, калі ласка, у якіх выпадках наймальнік можа істотна змяніць умовы працы работніка? А калі гэта малады спецыяліст?» - піша І. Абрамчык з Барысаўскага раёна.


Наймальнік мае права істотна змяніць умовы працы работніка толькі ў выпадку, калі ёсць абгрунтаваныя вытворчыя, арганізацыйныя або эканамічныя прычыны. Да такіх адносяцца, у прыватнасці, рацыяналізацыя рабочых месцаў, змена тэхнікі і тэхналогій вытворчасці, увядзенне новых формаў арганізацыі працы, удасканаленне рабочых месцаў на аснове атэстацыі, рэарганізацыі, перапрафілявання вытворчасці і іншыя. Але правілы аб змяненні ўмоў працы прымяняюцца толькі ў тых выпадках, калі чалавек працягвае работу па той жа спецыяльнасці, кваліфікацыі або на пасадзе, вызначанай у працоўным дагаворы, кантракце. Наймальнік абавязаны папярэдзіць работніка аб змяненні істотных умоў працы пісьмова не пазней чым за месяц або адпаведна з падпунктам 3.2 пункта 3 Дэкрэта № 5 не пазней чым за 7 каляндарных дзён. Калі работнік адмаўляецца ад прапановы, то працоўны дагавор (кантракт) з ім спыняюць з выплатай выхадной дапамогі ў памеры не менш за двухтыднёвы сярэдні заробак (калі іншага не ўстаноўлена калектыўным дагаворам, пагадненнем).

Звальненне маладых спецыялістаў, рабочых, служачых або перавод іх на іншую работу, не звязаную з атрыманай спецыяльнасцю і прысвоенай кваліфікацыяй, да заканчэння тэрміну абавязковай адпрацоўкі забараняецца! Выключэнне — пераход на выбарную пасаду, пераразмеркаванне па рашэнні ўстановы адукацыі або выдача даведкі аб самастойным працаўладкаванні, залічэнне на вучобу ва ўстанову адукацыі больш высокага ўзроўню.

Загаловак у газеце: Выключэнні з правілаў

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.