Вы тут

У Слоніме ўстанавілі помнік Льву Сапегу


У Слоніме сёння ўстанавілі помнік Льву Сапегу, піша БелТА.


Фота БелТА.

Скульптура ўпрыгожыла гістарычны цэнтр. Вышыня бронзавай статуі разам з гранітным пастаментам вышэй за 4 м. Аўтары помніка скульптары Іван Міско, Уладзімір Піпін і Сяргей Логвін.

"Я ураджэнец слонімскай зямлі. Можна сказаць, што цяпер ўвасобілася мая мара. Ідэя ўсталяваць помнік вядомаму земляку паўстала паўтара дзясятка гадоў таму. Рады, што яна рэалізавана", - адзначыў Іван Міско. Ён падкрэсліў, што ў Слоніме ўпершыню з'явіўся помнік такога маштабу.

Леў Сапега - значная гістарычная постаць для горада. Некалі выдавец Статута Вялікага княства Літоўскага быў старастай старажытнага горада, пры Льву Сапегу Слонім актыўна развіваўся. За час кіравання Льва Сапегі Слонім стаў цэнтрам гандлю і рамёстваў. Былі пабудаваныя ратуша, гандлёвыя шэрагі, цэха рамеснікаў, склаўся гістарычны цэнтр горада з брукаванымі вуліцамі, плошчамі і мастамі. Паводле яго хадайніцтва ў 1591 г. гораду было прысвоена Магдэбургскае права, падараваны герб, на якім намаляваны леў, які трымае залатую стралу.

Выбар рэдакцыі

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.

Грамадства

Адзіныя дзяўчаты-паркуршчыцы ў Беларусі распавядаюць пра свой спорт

Адзіныя дзяўчаты-паркуршчыцы ў Беларусі распавядаюць пра свой спорт

Гэты кірунак спорту ўвайшоў у жыццё былых студэнтак дзяржаўнага ўніверсітэта фізічнай культуры выпадкова.