Вы тут

Завяршылася экаэкспедыцыя на Беларускай АЭС


Больш за 30 тысяч кубічных метраў паветра прапампавалі спецыялісты, замяраючы «нулявы фон» на тэрыторыі, што прылягае да пляцоўкі будаўніцтва станцыі. На штатным пункце назіранняў на метэаралагічнай станцыі Маркуны размешчаны дзве паветрафільтравальныя ўстаноўкі для адбору проб радыеактыўных аэразоляў і газападобнага радыеактыўнага ёду. Адабраны пробы для выяўлення ў паветры радыеактыўнага вугляроду і трытыю, а таксама пробы паветра, вады, глебы, донных адкладанняў і расліннасці для лабараторных даследаванняў. Работы праводзіліся з 15 да 20 жніўня і былі цалкам выкананы.

Палявая гама-спектральная здымка праведзена больш чым у 200 пунктах па перыметры пляцоўкі АЭС і лініі рэк Паўпе і Вілія. Вымерана дно і вада ў кантрольным створы — вусці Паўпе, пунктах водазабору і вадаскіду Віліі. Вымярэнні дапоўнены пешаходнай і аўтамабільнай гама-здымкамі, што пашырыла плошчу даследавання.

Найбольш эфектыўным выкарыстаннем атрыманых замераў «нулявога фону» можа стаць правядзенне сістэматычных назіранняў за радыеэкалагічнай сітуацыяй у гэтым раёне. Паўторныя вымярэнні мэтазгодна правесці праз год пасля фізічнага запуску атамнай электрастанцыі з прыцягненнем прадстаўнікоў грамадскасці, упэўнены спецыялісты. А практычны вопыт і вынікі праведзенага грамадскага перадэксплуатацыйнага даследавання можна распаўсюдзіць на іншыя ядзерныя і радыяцыйна небяспечныя аб'екты розных краін.

Ірына СІДАРОК

Выбар рэдакцыі

Грамадства

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Палацы, паркi, сядзiбы. На Брэстчыне вядзецца вялiкая работа па аднаўленнi гiсторыка-культурных аб'ектаў

Адным з першых у вобласцi пачалi рэстаўрыраваць велiчны палац Сапег у Ружанах.

Грамадства

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Шопiнг з дапоўненай рэальнасцю. Тэхналогii 3D-мадэлявання адкрыюць новы фармат гандлю

Наша краiна займае трэцяе месца ў сваiм рэгiёне па колькасцi бескантактавых транзакцый.

Грамадства

Баявыя поспехi шмат у чым залежалi ад быту, або пра што паведамляюць партызанскiя летапiсы

Баявыя поспехi шмат у чым залежалi ад быту, або пра што паведамляюць партызанскiя летапiсы

Партыйныя i камсамольскiя арганiзацыi партызанскiх атрадаў удзялялi вялiкую ўвагу адпачынку i вольнаму часу партызан.