Вы тут

БЧ возьме ўдзел у мерапрыемствах Беларускага транспартнага тыдня


Беларуская чыгунка прыме ўдзел у XIII Міжнароднай спецыялізаванай выставе “Транспарт і лагістыка-2019" і Беларускім транспартным кангрэсе. Міжнародны транспартны форум пройдзе з 1 па 3 кастрычніка ў Мінску, паведамілі ў прэс-цэнтры магістралі.


На адной пляцоўцы размесціцца выставачны стэнд Беларускай чыгункі і дзяржаўнага прадпрыемства “Белінтэртранс -- транспартна-лагістычны цэнтр” (БТЛЦ), якія будуць аформлены ў адзіным стылістычным выкананні.

На стэндзе Беларускай чыгункі будзе прадстаўлена інфармацыя аб тэхнічных, тэхналагічных, перагрузачных магутнасцях магістралі. Арганізаваны мультымедыйныя прэзентацыі аб рэалізаваных за апошнія гады БЧ значных праектах па розных напрамках: інвестыцыйная палітыка, развіццё інфраструктуры, абнаўленне рухомага і цягавага саставу, павышэнне якасці абслугоўвання пасажыраў, укараненне інфармацыйнага абслугоўвання грузаўладальнікаў і экспедытарскіх арганізацый. А таксама аб прагрэсіўных тэхналогіях рамонту і вытворчасці, развіцця сэрвіснага абслугоўвання кліентаў Беларускай чыгункі і інш.

Важным мерапрыемствам для БЧ стане ўдзел у Беларускім транспартна-лагістычным кангрэсе. Прадстаўнікі магістралі прымуць удзел у спецыялізаваных секцыях і круглых сталах, дыскусіях і тэматычных навукова-практычных семінарах і канферэнцыі, на якіх будуць абмяркоўвацца надзённыя праблемы і перспектывы развіцця галіны.

Магістраль у рамках работы Беларускага транспартнага тыдня плануе арганізаваць шэраг сваіх мерапрыемстваў, накіраваных на павышэнне іміджу на рынку транспартных паслуг.

Прадугледжана правядзенне на стэндзе Беларускай чыгункі перамоў і дзелавых сустрэч з замежнымі партнёрамі, грузаўладальнікам, транспартнымі кампаніямі, партамі, прадстаўнікамі прадпрыемстваў Рэспублікі Беларусь і інш.

  • Таксама на выставе БТЛЦ плануе правесці шэраг прэзентацый аб магчымасці арганізацыі перавозак грузаў у зносінах з Кітайскай Народнай Рэспублікай, у тым ліку па арганізацыі экспартных паставак беларускай прадукцыі на кітайскі рынак, арганізацыі мультымадальны перавозак, па аказанні транспартна-лагістычных паслуг таварыствамі, заснаванымі за мяжой. Сёння БТЛЦ аказвае транспартна-экспедыцыйныя паслугі рэзідэнтам Рэспублікі Беларусь і замежным кампаніям з больш за 20 краін свету, прадпрыемствам створана шырокая сетка філіялаў ва ўсіх абласных цэнтрах краіны, а таксама заснаваны кампаніі ў Літве, Германіі, Расіі, а іх прадстаўніцтва ў Латвіі, Польшчы, Кітаі, Турцыі. У рамках выставы плануецца арганізаваць прэзентацыю новага перавозчыка “Eurasian railway career”, які сумесна з БТЛЦ гатовы аказваць комплексную паслугу “ад дзвярэй да дзвярэй” на прасторы каляіны 1520-1435 мм.

Сяргей РАСОЛЬКА

Выбар рэдакцыі

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.

Грамадства

Адзіныя дзяўчаты-паркуршчыцы ў Беларусі распавядаюць пра свой спорт

Адзіныя дзяўчаты-паркуршчыцы ў Беларусі распавядаюць пра свой спорт

Гэты кірунак спорту ўвайшоў у жыццё былых студэнтак дзяржаўнага ўніверсітэта фізічнай культуры выпадкова.