Вы тут

Педагогі Мінскай вобласці вызначацца са стратэгічнымі арыенцірамі


Канферэнцыя педагагічных работнікаў “Кампетэнцыі будучыні для эфектыўнага развіцця Міншчыны” пройдзе ў Дзяржынску 23 жніўня.


У традыцыйным жнівеньскім форуме прымуць удзел кіраўнікі Мінскага абласнога выканаўчага камітэта, Міністэрства адукацыі, лідары прафсаюзнага руху, прадстаўнікі сродкаў масавай інфармацыі. На ўрачыстае мерапрыемства запрошаны найлепшыя педагогі сталічнай вобласці, маладыя спецыялісты, ветэраны педагагічнай працы, кіраўнікі прадпрыемстваў-заказчыкаў кадраў.

У  Дзяржынску адбудзецца прэзентацыя дасягненняў сістэмы адукацыі Мінскай вобласці. На выставачных пляцоўках, якія разгорнуцца на плошчы побач з Домам культуры і ў яго фае, можна будзе азнаёміцца ​​з рознымі формамі ўзаемадзеяння ўстаноў прафесійнай адукацыі і заказчыкаў кадраў, вопытам міжнароднага супрацоўніцтва ў сферы адукацыі, убачыць  лабараторыі дапоўненай рэальнасці, атрымаць кансультацыі ў прафесійных псіхолагаў і г.д.

У рамках канферэнцыі будуць прэзентаваныя метадычны IT-холдынг, абласны клуб “Малады дырэктар” і абласны рэсурсны цэнтр па рабоце са школьнымі СМІ. Свае даследчыя працы ўдзельнікам прадставяць пераможцы розных рэспубліканскіх конкурсаў: ад дзяцей дашкольнага ўзросту да навучэнцаў устаноў прафесійнай адукацыі.

Усе жадаючыя змогуць наведаць інтэрактыўныя пляцоўкі, прыняць удзел у майстар-класах, азнаёміцца ​​з выставамі і фотагалерэяй, паглядзець выступленні вучняў па розных відах спорту, паўдзельнічаць у флэшмобе. Гасцей чакаюць спаборніцтвы робатаў, выступленні беспілотных лятальных апаратаў і многае іншае.

На пленарным пасяджэнні будуць падведзены вынікі папярэдняга навучальнага года і вызначаны стратэгічныя арыенціры на бліжэйшы час. Таксама адбудзецца ўшанаванне найлепшых педагогаў, ветэранаў педагагічнай працы і маладых спецыялістаў, якія прыбылі на працу ў цэнтральны рэгіён.

Надзея НІКАЛАЕВА

Выбар рэдакцыі

Культура

Дзяніс Раманюк: Я раблю этнаграфію «дваццаць пятым» кадрам

Дзяніс Раманюк: Я раблю этнаграфію «дваццаць пятым» кадрам

Пышныя альбомы, выдадзеныя Дзянісам Раманюком, з задавальненнем трымаюць у хатніх бібліятэках як беларусы, бо адчуваюць гонар за краіну, так і замежнікі, бо невядомую культуру даследуюць праз высакакласны кніжны твор.

Спорт

Барэц Максім Нягода: Пасля кожнага медаля трэба пачынаць з нуля

Барэц Максім Нягода: Пасля кожнага медаля трэба пачынаць з нуля

Барысаўчанін са шматдзетнай сям'і стаў чэмпіёнам кантынента.

Грамадства

«Прэферэнцыі, якія атрымалі вайскоўцы, абумоўлены выказанымі імі думкамі»

«Прэферэнцыі, якія атрымалі вайскоўцы, абумоўлены выказанымі імі думкамі»

«Армія — школа мужнасці, грамадзянскасці і патрыятызму». Паводле сацыялагічнага апытання, з гэтым сцвярджэннем згодны 86 п

Культура

Хто спявае па-беларуску?

Хто спявае па-беларуску?

Адмысловы плэйліст “Звязды” да Дня роднай мовы.