Вы тут

Мінск. Масква. Дыяспара


Міжнародную сумесную адукацыйную магістарскую праграму “Гісторыя беларускай дыяспары” будуць асвойваць аспіранты як Беларускага, так і Маскоўскага дзяржуніверсітэтаў


Фота soyuz.by

Пагадненне аб праграме падпісалі рэктар Маскоўскага дзяржуніверсітэта імя М. Ламаносава Віктар Садоўнічы і рэктар Беларускага дзяржуніверсітэта Андрэй Кароль — 18 ліпеня ў Санкт-Пецярбурзе, на VІ Форуме рэгіёнаў Беларусі ды Расіі. Праграма распрацавана гістарычнымі факультэтамі абедзвюх ВНУ пры ўдзеле й падтрымцы актывістаў Федэральнай нацыянальна-культурнай аўтаноміі “Беларусы Расіі”. З расійскага боку праграму ўзначальвае выканаўчы дырэктар ФНКА “Беларусы Расіі”, кіраўніца лабараторыі гісторыі дыяспар гістфака МДУ імя М. Ламаносава Аксана Солапава, з беларускага — дацэнт кафедры гісторыі старажытнага свету й сярэдніх вякоў гістфака БДУ Андрэй Прохараў.

Праграма “Гісторыя беларускай дыяспары” — першая сумесная расійска-беларуская аспірантура, выпускнікі якой упершыню ў гісторыі міжуніверсітэцкай супрацы Расіі й Беларусі атрымаюць два дыпломы двух галоўных універсітэтаў Саюзнай дзяржавы. Абодва бакі будуць імкнуцца даць магістрантам магчымасць атрымаць фундаментальныя веды, прайсці яркія навучальныя практыкі, паўдзельнічаць у палявых даследаваннях. Першы набор на магістарскую праграму ўжо стартаваў.

Дарэчы, менавіта актывісты НКА “Беларусы Масквы” са згаданай лабараторыяй МДУ стварылі інфармацыйна-аналітычны партал “ДРУЖБА НАРОДОВ. Палитра диаспор, землячеств, автономий, национально-культурных общественных организаций”: http://www.palіtra-dіaspor.ru/. Галоўнай мэтай праекта падаецца фармаванне ў Расіі “единой гражданской нации”.

Рыгор Гарэшка

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.