Незалежны даследчы цэнтр Centre for Social Justice (CSJ) прапанаваў павялічыць пенсійны ўзрост у Вялікабрытаніі да 75 гадоў, паведамляе БелТА са спасылкай на The Independent.
Паводле апошняй справаздачы даследчага цэнтра, такое рашэнне будзе спрыяць росту эканомікі краіны. Арганізацыя прапануе да 2028 года павялічыць пенсійны ўзрост да 70 гадоў, а да 2035 года - да 75. Пры гэтым у 2017 годзе ўрад абвясціў аб планах павелічэння пенсійнага ўзросту да 68 гадоў паміж 2037 і 2039 гадамі.
У дакуменце таксама гаворыцца пра тое, што больш працяглая праца будзе спрыяць паляпшэнню здароўя і дабрабыту пажылых работнікаў, павелічэнню назапашванняў і забеспячэнню паўнавартаснага функцыянавання дзяржаўных службаў для ўсіх. Акрамя таго, такое рашэнне зможа палепшыць медыцынскую падтрымку, забяспечыць пашыраны доступ да гнуткай працы і даць шырокія магчымасці для навучання. Павялічваючы пенсійны ўзрост, урад хоча дапамагчы людзям заставацца на аплачваемай рабоце, а таксама прымаць абгрунтаваныя доўгатэрміновыя фінансавыя рашэнні.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.