Вы тут

У Ісландыі развіталіся з ледавіком Окйекудль


У Ісландыі прайшла цырымонія ўрачыстага развітання з ледніком Окйекудль, які практычна знік з Зямлі ва ўзросце каля 700 гадоў.


Фота RICE UNIVERSITY/DOMINIC BOYER/CYMENE HOWE

Ледавік афіцыйна быў абвешчаны загінулым ў 2014 годзе, калі ён страціў здольнасць рухацца. Тое, што калісьці было гіганцкім ледавіком, ператварылася ў невялікі кавалачак лёду на вяршыні вулкана.

На цырымонію развітання прыбылі прэм'ер-міністр і міністр навакольнага асяроддзя Ісландыі.

Пасля ўступнай прамовы кіраўніка ўрада Катрын Якабсдоцір, усе ўсталі па схіле вулкана, размешчанага на паўночны ўсход ад Рэйк'явіка, каб усталяваць мемарыяльную дошку з запісаным на ёй лістом для будучых пакаленняў.

"Окйекудль - першы ісландскі ледавік, які страціў свой статус ледавіка", - гаворыцца ў пасланні.

Фота NASA. Ледавік у 1986 і 2019 гадах.

"У бліжэйшыя 200 гадоў усе нашы ледавікі чакае тая ж доля. Гэты помнік тут, каб паказаць, што мы ведаем, што адбываецца і што трэба зрабіць. Толькі вы ведаеце, атрымаецца нам гэта зрабіць ці не".

У канцы гэтага тэксту-прысвячэння, напісанага ісландскім аўтарам Андры Снаером Магнасанам, - дата цырымоніі развітання і лічба, якая пазначае канцэнтрацыю вуглякіслага газу ў паветры ва ўсім свеце - 415 на мільён.

Вось што сам Магнасан сказаў у інтэрв'ю Бі-бі-сі: "Гэта вельмі сімвалічны момант. У змены клімату няма пачатку або канца, і сэнс нашага паслання ў тым, каб нагадаць самім сабе, што гістарычныя падзеі адбываюцца і мы не павінны лічыць, што яны - у парадку рэчаў. Мы павінны разумець, якое значэнне яны маюць".

Выбар рэдакцыі

Культура

На якія раскопкі чакаюць валанцёраў?

На якія раскопкі чакаюць валанцёраў?

Увесь лiпень працуе археалагiчны летнiк «Наўры-2020».

Грамадства

Як i калi прыняць спадчыну, атрымаць яе i захаваць?

Як i калi прыняць спадчыну, атрымаць яе i захаваць?

Карэспандэнту «Звязды» дапамагалi разбiрацца спецыялiсты.

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.