Вы тут

У Беларусі з часам на выбарах плануюць выкарыстоўваць напаўпразрыстыя ўрны і электроннае галасаванне


У Беларусі ў будучыні плануюць выкарыстоўваць напаўпразрыстыя урны і электроннае галасаванне. Пра гэта ў эфіры тэлеканала СТБ заявіла старшыня Цэнтрвыбаркама Лідзія Ярмошына.


"Мы паступова вучымся тым ці іншым стандартам. Праўда, ад таго, што мы яшчэ не паспелі прымяніць, іншыя ўжо адмаўляюцца. Напрыклад, на нас без канца ідзе ціск наконт таго, калі будуць ўсюды прымяняцца празрыстыя скрыні для галасавання. Адразу магу сказаць - гэта ужо не модна, больш за тое, гэта супярэчыць міжнародным стандартам - празрыстыя скрыні не забяспечваюць тайну волевыяўлення выбаршчыкаў. модна выкарыстоўваць напаўпразрыстыя скрыні, модна, прынамсі, часткова, ужываць электроннае галасаванне. Думаю, мы таксама будзем гэта з часам укараняць", - сказала Лідзія Ярмошына.

Гаворачы аб змяняльнасці парламенту, старшыня Цэнтрвыбаркама адзначыла, што па пажаданні кіраўніка дзяржавы каля траціны дэпутатаў павінна заставацца на другі тэрмін. Але ёсць і другое пажаданне: як правіла, тэрмін паўнамоцтваў у кожнага індывідуальнага дэпутата павінен быць не больш за два тэрміны запар. "Ёсць падтрымка і падбор будучых кандыдатаў з улікам захавання ўсіх прапорцый", - падкрэсліла яна.

Таксама Лідзія Ярмошына звярнула ўвагу на тое, што гэты год для Беларусі незвычайны: выбары пройдуць у святочны дзень - 7 лістапада. На яе думку, гэта вельмі ўдалая ідэя: такім чынам "дзяржаўнае дзейства будзе адпавядаць дзяржаўнаму святу".

За выбарамі ў парламент будуць назіраць прадстаўнікі міжнародных арганізацый. Да крытычных заўвагах Беларусь гатовая. "Ёсць міжнародная практыка: нам прадастаўляюць справаздачу, калі яна нас не задавальняе, мы выказваем заўвагі. Потым канструктыўна з усімі місіямі, якія даюць крытычныя заўвагі, абмяркоўваем. Мы прымаем усіх адкрыта і прыязна. Мы прывыклі да міжнароднага назірання. Галоўнае, каб парламент быў абраны і каб ён своечасова прыступіў да працы", - заявіла яна.

Выбары ў Савет Рэспублікі прызначаныя на 7 лістапада, у Палату прадстаўнікоў - на 17 лістапада

Выбар рэдакцыі

Грамадства

Як будзе праходзіць перапіс насельніцтва

Як будзе праходзіць перапіс насельніцтва

Старшыня Нацыянальнага статыстычнага камітэта Іна МЯДЗВЕДЗЕВА адзначае, што іх ведамства разлічвае перапісаць максімальную колькасць грамадзян з дапамогай укаранёных інавацый.

Грамадства

Адзіныя дзяўчаты-паркуршчыцы ў Беларусі распавядаюць пра свой спорт

Адзіныя дзяўчаты-паркуршчыцы ў Беларусі распавядаюць пра свой спорт

Гэты кірунак спорту ўвайшоў у жыццё былых студэнтак дзяржаўнага ўніверсітэта фізічнай культуры выпадкова.