Старшыня Пастаяннай камісіі Савета Рэспублікі Нацыянальнага сходу Беларусі па адукацыі, навуцы, культуры і сацыяльным развіцці Віктар Сірэнка прыняў удзел у пасяджэнні грамадска-кансультатыўнага савета па турызме пры Міністэрстве спорту і турызму.
У мерапрыемстве таксама ўдзельнічалі прадстаўнікі названага міністэрства, Нацыянальнага агенцтва па турызме, іншых міністэрстваў і арганізацый, мясцовых выканаўчых і распарадчых органаў, грамадскіх аб'яднанняў у сферы турызму.
На пасяджэнні быў разгледжаны падрыхтаваны Міністэрствам спорту і турызму праект закона Рэспублікі Беларусь «Аб турызме». Законапраектам прапануецца шэраг новаўвядзенняў у турыстычнай сферы: магчымасць заключэння электроннага дагавора, даванне фінансавых гарантый спажыўцам турпаслуг і іншае. Удзельнікі мерапрыемства выказалі па праекце заўвагі і прапановы, вызначылі кірункі яго дапрацоўкі.
Напярэдадні профільным міністэрствам былі падведзены вынікі публічнага абмеркавання праекта закона «Аб турызме» на Прававым форуме Беларусі. Акрамя гэтага, прапановы па праекце накіроўваліся непасрэдна ў адрас Міністэрства спорту і турызму з дапамогай пісьмовых і электронных зваротаў.
Сярод найбольш актуальных падчас публічнага абмеркавання праекта аказаліся пытанні размежавання адказнасці турагентаў і тураператараў (парадак вызначэння салідарнасці адказнасці згаданых суб'ектаў) і ўнясенне ў гэтай сувязі магчымых змяненняў у дагаворныя адносіны паміж суб'ектам і ўдзельнікам турыстычнай дзейнасці. Шмат дыскусій выклікала прапанова ўвядзення інстытутаў фінансавай адказнасці тураператараў (дагавор страхавання грамадзянскай адказнасці, банкаўская гарантыя, фонд персанальнай адказнасці) і актуальнасць паняццяў «турагент» і «тураператар», «турагенцкая дзейнасць» і «тураператарская дзейнасць».
Вольга МЯДЗВЕДЗЕВА
Амаль тысяча дзвесце чалавек збяруцца, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.