Вы тут

Фестываль "Архітэктурная восень - 2019" пройдзе ў Мінску з 1 верасня па 30 лістапада


Фестываль "Архітэктурная восень - 2019" пройдзе ў Мінску з 1 верасня па 30 лістапада, распавялі ў Беларускім саюзе архітэктараў, піша агенцтва "Мінск-Навіны".


Фота: yatsevich.by

Ён уключае шэраг конкурсаў, у тым ліку міжнародны біенале маладых дойлідаў "Леанарда", рэспубліканскі агляд-конкурс на лепшыя праект і будоўлю. На гэты раз мерапрыемства пройдзе ў новым фармаце.

- Упершыню фестываль працягнецца не тры дні, як раней, а тры восеньскіх месяца. На працягу гэтага часу будуць праходзіць конкурсы, выставы архітэктараў і дызайнераў, майстар-класы дойлідаў, тэматычныя канферэнцыі, прэзентацыі, - адзначылі ў саюзе архітэктараў. - Традыцыйна ўручаць ганаровы прыз "Дойлід Рэспублікі Беларусь". Галоўнай пляцоўкай форуму стане Рэспубліканскі дом архітэктара.

Адкрывае мерапрыемства XIII Рэспубліканскі конкурс дыпломных праектаў выпускнікоў вышэйшых і сярэдніх спецыяльных архітэктурных школ.

  • У гэтым годзе Беларускі саюз архітэктараў і архітэктурны факультэт БНТУ абвяшчаюць таксама новы конкурс - архітэктурнага малюнка студэнтаў айчынных вышэйшых архітэктурных школ. Падвядзенне вынікаў абодвух конкурсаў і ўзнагароджанне пераможцаў адбудзецца 26 верасня.

Асаблівае значэнне надаецца Мінскаму Міжнароднаму біенале маладых архітэктараў "Леанарда", які заснаваны ў 2005 годзе. У 2019-м конкурс пройдзе ў восьмы раз і зноў пад эгідай Міжнароднага саюза архітэктараў і Міжнароднай Асацыяцыі саюзаў архітэктараў. Падвядзенне вынікаў і ўзнагароджанне пераможцаў - 12 кастрычніка.

XIX Рэспубліканскі конкурс на лепшы праект, будоўлю і публікацыю - гэта своеасаблівыя вынікі развіцця архітэктурнай галіны за два апошнія гады. У аглядзе ўдзельнічаюць праектныя арганізацыі, архітэктурныя бюро, творчыя майстэрні, індывідуальныя прадпрымальнікі, архітэктары, рэстаўратары, дызайнеры, скульптары. Вынікі плануюць падводзіць 15 лістапада.

Таксама падчас фестывалю ў пяты раз правядуць Рэспубліканскі мастацкі конкурс дзіцячай творчасці "Архітэктура роднага краю вачыма дзяцей". У ім удзельнічаюць дзеці 6-15 гадоў.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.