Вы тут

Кірмаш арганічнай і экалагічнай ежы пройдзе ў Мінску 25 жніўня


Кірмаш арганічнай і экалагічнай ежы пройдзе ў Мінску 25 жніўня. Гэта трэці, завяршальны маркет серыі «У гармоніі з прыродай».


Яго арганізатарам выступае экалагічная ўстанова «Агра-Эка-Культура» ў партнёрстве з грамадскім аб'яднаннем «Экадом» пры падтрымцы Coalіtіon Clean Baltіc.

Увазе гасцей будуць прапанаваныя арганічныя гародніна, зяленіва, ягады, садавіна, яйкі, крупы, хлеб на заквасцы з печы, хатняя выпечка, духмяны мёд, казінае малако, сыр, тварог з магчымасцю дэгустацыі фермерскай прадукцыі.

Наведвальнікі змогуць асабіста пазнаёміцца з фермерамі, даведацца, як і што яны вырошчваюць. Сярод прадаўцоў — фермеры, сертыфікаваныя па нормах арганічнай сельскай гаспадаркі ЕС. Хто захоча, зможа дамовіцца з імі аб рэгулярнай дастаўцы арганічных прадуктаў.

«Для чаго патрэбныя такія маркеты? Шмат хто хоча купіць арганічныя і экалагічныя прадукты, але не ведае дзе. З іншага боку, арганічным фермерам цяжка знайсці свайго пакупніка. Наш кірмаш — месца, дзе яны могуць сустрэцца», — падкрэслівае старшыня праўлення экалагічнай установы «Агра-Эка-Культура», кандыдат сельскагаспадарчых навук Лана СЕМЕНАС.

У рамках мерапрыемства для дзяцей і дарослых будуць ладзіцца майстар-класы, латарэі, у якіх галоўным прызам стануць фермерскія прадукты. Таксама можна будзе атрымаць кансультацыю экспертаў і набыць літаратуру, прысвечаную арганічнай сельскай гаспадарцы.

Кірмаш пройдзе з 12.00 да 16.00 у культурным цэнтры «Корпус» (Машэрава, 9/8). Уваход бясплатны.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.