Вы тут

На Міжнароднай алімпіядзе па інфарматыцы беларускія школьнікі заваявалі 4 медалі


Спаборніцтвы праходзілі ў Баку. Удзел у іх прынялі 327 удзельнікаў з 87 краін свету.


Міжнародная алімпіяда па інфарматыцы (англ. International Olympiad in Informatics, IOI) - найбольш прэстыжныя інтэлектуальныя спаборніцтвы школьнікаў у праграмаванні,. Яны  праводзяцца пачынаючы з 1989 года.

Згодна з правіламі, навучэнцы спаборнічаюць у індывідуальным заліку.  Ад кожнай краіны могуць быць прадстаўлены не больш за чатыры ўдзельнікі. Алімпіяда праходзіць у два туры. У кожным з іх навучэнцы вырашаюць па тры задачы з выкарыстаннем некалькіх моў праграмавання. На выкананне заданняў адводзіцца пяць гадзін штодня.

Беларуская зборная складалася з чатырох удзельнікаў — пераможцаў заключнага этапу рэспубліканскай алімпіяды па вучэбным прадмеце “Інфарматыка”.  Усе вярнуліся дамоў з узнагародамі. Сярэбраныя медалі ў Баку заваявалі Яраслаў Барысаў (навучэнец X класа гімназіі №8 г. Віцебска) і Процкі Сяргей (навучэнец X класа Ліцэя БДУ). Бронзавых медалёў удастоены Аляксей Філіновіч (выпускнік сярэдняй школы №2 г. Лунінца) і Кірыл Шырма  (выпускнік гімназіі №1 г. Брэста).

Каманду рыхтавалі да міжнароднай алімпіяды старшы выкладчык кафедры дыскрэтнай матэматыкі і алгарытмікі БДУ Аляксандр Буслаўскі і старшы выкладчык кафедры вылічальнай матэматыкі Белдзяржуніверсітэта Аляксей Толсцікаў.

А напярэдадні стала вядома, што на Міжнароднай алімпіядзе па астраноміі і астрафізіцы ў Венгрыі выпускніца Ліцэя БДУ Міраслава Булгакава заваявала бронзавы медаль.

Спаборніцтвы складаюцца з трох тураў: тэарэтычнага, аналізу дадзеных, а таксама назіральнага, прычым апошні тур уключае назіранні няўзброеным вокам, з дапамогай тэлескопа, а таксама выпрабаванні ў планетарыі. Туры праводзяцца на працягу некалькіх дзён, час выканання заданняў — ад 45 хвілін да 5 гадзін. У 13-й Міжнароднай алімпіядзе па астраноміі і астрафізіцы ўзялі ўдзел 260 прадстаўнікоў з 47 краін свету. Акрамя ўзнагароды  Міраславы на рахунку нашай зборнай яшчэ два пахвальныя водгукі — у Андрэя Цімафеева, выпускніка гомельскай сярэдняй школы № 2 і Сяргея Гамельскага, выпускніка жодзінскай гімназіі № 1. Акрамя таго Сяргей Гамельскі заваяваў бронзавы медаль у камандных спаборніцтвах, для ўдзелу ў якіх аб’ядноўвацца прадстаўнікі розных краін.

Надзея НІКАЛАЕВА

Выбар рэдакцыі

Эканоміка

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

У Брэсцкай вобласцi першымi ўкаранiлi практыку выязных прыёмаў дзяржрэгiстратараў

Хто валодае нерухомай маёмасцю альбо ўчасткам зямлi, ведае, як важна мець адпаведныя дакументы на сваю ўласнасць.

Эканоміка

Як генафонд раслін адаптуецца да змен клімату

Як генафонд раслін адаптуецца да змен клімату

Работа па вывучэннi генетычных рэсурсаў раслiн у Беларусi была пачата яшчэ ў 20-я гады мiнулага стагоддзя.

Грамадства

Паэт Iван Юркiн: З жонкай упершыню пацалаваўся ў дзень вяселля 47 год таму

Паэт Iван Юркiн: З жонкай упершыню пацалаваўся ў дзень вяселля 47 год таму

Песнi на вершы Iвана Юркiна карыстаюцца вялiкай папулярнасцю. Хто не ведае гiмна гасцiннасцi нашай краiны — «Прыязджайце да нас у Беларусь»? Вось таму было цiкава пазнаёмiцца з музай паэта — яго жонкай Надзеяй Iванаўнай. 

Грамадства

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Колькасць «супрацьпрышчэпачнiкаў» змяншаецца, бо вакцыны даказваюць сваю эфектыўнасць

Сусветны тыдзень iмунiзацыi сёлета пройдзе з 24 да 30 красавiка пад лозунгам #Vaccines Work for AN# — «За агульны доступ да эфектыўных вакцын».