Вы тут

Складаныя ўмовы надвор'я значна тармозяць працэс уборкі збожжавых культур


Прэзідэнт Беларусі Аляксандр Лукашэнка 12 жніўня заслухаў даклад міністра сельскай гаспадаркі і харчавання Беларусі Анатоля Хацько аб ходзе ўборкі ўраджаю, паведамляе прэс-служба кіраўніка дзяржавы.


Як было адзначана, працаваць аграрыям даводзіцца ў складаных умовах надвор'я, што, вядома, значна тармозіць працэс уборкі збожжавых культур. Тым не менш у цэлым па краіне цяпер на палях застаецца каля 20 працэнтаў ураджаю, намалочана больш за 5,5 мільёна тон збожжа.

Па стане на 12 жніўня збожжавыя і зернебабовыя культуры (без кукурузы, грэчкі і проса) убраны больш чым з 1,7 мільёна гектараў, што складае 79,8 працэнта ад запланаванага. Сярэдняя ўраджайнасць — 32 ц/га (у 2018 годзе — 27 ц/га). План паставак збожжа ў лік дзяржзаказу складае 815 тысяч тон. На 12 жніўня заданне выканана на 76,1 працэнта (620 тысяч тон).

Адносна карціны па рэгіёнах Прэзідэнту было даложана, што асабліва цяжкая сітуацыя на сённяшні дзень у Магілёўскай, на поўначы Мінскай і ў Віцебскай абласцях. І ў цэлым па краіне ўмовы жніва застаюцца вельмі няпростымі.

Улічваючы абставіны, Прэзідэнт трымае ход уборкі ўраджаю на пастаянным асабістым кантролі, а профільнаму міністру было даручана мабілізаваць усе сілы і зрабіць усё магчымае для таго, каб з плошчаў, што засталіся, ураджай быў убраны з мінімальнымі стратамі.

Загаловак у газеце: У няпростых умовах

Выбар рэдакцыі

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.