Вы тут

Штотыднёвы спартыўны агляд «Звязды»


У штотыднёвым спартыўным аглядзе «Звязды» раскажам пра фінальнае паражэнне беларускіх дзяўчат на маладзёжным чэмпіянаце Еўропы і іншыя актуальныя навіны выхадных.


1. Беларускія баскетбалісткі занялі 15-е месца на маладзёжным чэмпіянаце Еўропы (U-20), які завяршыўся ў Чэхіі. У сваім заключным паядынку яны разграмілі аднагодак з Германіі, якія таксама пакідаюць элітны дывізіён, з лікам 65:45. Трэцім няўдачнікам стала каманда Партугаліі, якая саступіла баскетбалісткам Нідэрландаў у гульні за 13-е выніковае месца.

Пераможцам жаночага маладзёжнага Еўрабаскета стала зборная Італіі, якая абыграла ў паядынку за «золата» саперніц з Расіі.

2. Беларускія лёгкаатлеты занялі другое месца на камандным чэмпіянаце Еўропы ў першай лізе, які завяршыўся ў нарвежскім Санесе. Падчас турніру на першую прыступку п'едэстала падымаліся Віталь Парахонька (бег з бар'ерамі), Дар'я Барысевіч (бег на 1500 метраў), Алёна Дубіцкая (штурханне ядра), Таццяна Халадовіч (кіданне кап'я), Анастасія Мірончык-Іванова (скачок у даўжыню), Карына Таранда (скачок у вышыню) і Ірына Жук (скачок з шастом). Другое месца занялі Эльвіра Герман (бег з бар'ерамі) і Крысціна Ціманоўская (бег на 200 метраў). У агульным заліку беларуская каманда набрала 281 бал і заняла другое месца. Пераможцам каманднага чэмпіянату Еўропы ў першай лізе стала зборная Партугаліі — 302 ачкі, якая і атрымала пуцёўку ў элітны дывізіён.

3. Вера Лапко прыпыніла выступленні з-за хранічнай траўмы калена. Тэнісістка ўжо не будзе гуляць у гэтым сезоне. Два тыдні таму беларуска замарозіла свой рэйтынг, цяпер па версіі Жаночай тэніснай асацыяцыі яна знаходзіцца на 135-м месцы.

Тым часам Вікторыя Азаранка і аўстралійка Эшлі Барці не здолелі прабіцца ў фінал парнага разраду тэніснага турніру катэгорыі «Прэм'ер» у канадскім Таронта. У паўфінальным матчы з чэшскім тандэмам Барбора Крэйчыкава/Кацярына Сінякова беларуска-аўстралійскі дуэт саступіў з лікам 6:3, 3:6, 4:10.

4. Завяршыліся матчы 17-га тура чэмпіянату краіны па футболе. БАТЭ разграміў мінскі «Энергетык-БДУ» — 4:1. У сталічным дэрбі футбалісты «Дынама» па ходзе сустрэчы на сваёй арэне двойчы саступалі «Мінску» — 0:1 і 1:2, але ў выніку атрымалі перамогу — 3:2. «Віцебск» у сябе дома прайграў «Гарадзеі» з лікам 0:2. Вынікі іншых сустрэч: «Дняпро» (Магілёў) — «Дынама» (Брэст) — 0:1, «Тарпеда-БелАЗ» (Жодзіна) — «Славія» (Мазыр) — 1:1, «Гомель» — «Слуцк» — 3:4.

Становішча ў лідзіруючай групе: «Дынама» (Брэст) — 42 ачкі (17 матчаў), БАТЭ — 40 (16), «Шахцёр» — 31 (14), «Дынама» (Мінск) — 31 (16).

5. Хакеісты «Дынама-Мінск» прайгралі ташкенцкай камандзе «Хумо» з лікам 1:5 у паядынку за трэцяе месца на Кубку губернатара Ніжагародскай вобласці. Нагадаем, на групавой стадыі турніру «зубры» былі мацнейшыя за сапернікаў са сталіцы Узбекістана — 6:3. Пасля вяртання з Расіі мінскае «Дынама» ў ходзе падрыхтоўкі да сезона 17 і 18 жніўня згуляе ў вырашальнай стадыі Кубка Беларусі ў Оршы.

Дар'я ЛАБАЖЭВІЧ

Загаловак у газеце: Пакідаючы эліту

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.