Вы тут

Збаны з Вялікай Мядзведзіцай


У Кітаі знайшлі 5000-гадовыя астранамічныя рэліквіі.


Старажытныя кітайцы пачалі назіраць нябесныя з’явы і вымяраць па іх час як мінімум 5000 гадоў таму, што на тысячу гадоў раней, чым меркавалася. Да такой высновы прыйшлі археолагі на аснове даследавання знойдзеных у правінцыі Хэнань (Цэнтральны Кітай) старажытных рэліквій, перадае «Жэньмінь жыбаа» анлайн".

На тэрыторыі археалагічных руінаў 5000-гадовай даўніны Цынтай пад горадам Чжэнчжоў, адміністрацыйным цэнтры гэтай правінцыі, эксперты выявілі дзевяць гліняны збаноў, служачых паказальнікамі дзевяці зорак, якія ўтвараюць сузор’е Вялікай Мядзведзіцы. Яны размешчаны ў адпаведнасці з месцазнаходжаннем зорак, і іх памеры ў асноўным супадаюць з фактычнай яркасцю гэтых нябесных целаў.

Разваліны Цынтай ўяўляюць сабой буйнамаштабнае траншэйнае паселішча, якое адносяць да археалагічных культур неаліту Яншаа, і іх плошча складае 310 тыс. квадратных метраў, паведаміў кіраўнік Інстытута культурных рэліквій і археалогіі горада Чжэнчжоў Гу Ваньфа. Паводле яго слоў, непадалёк ад гэтых збаноў знойдзеныя і пахавальныя ўрны таго ж перыяду, грабніцы, ахвярныя ямы розных перыядаў часу і іншыя звязаныя з імі рэліквіі.

Месца знаходак наведала больш за 30 экспертаў з Нацыянальнай астранамічнай абсерваторыі пры Акадэміі навук Кітая (АНК), Інстытута гісторыі натуральных навук АНК, Акадэміі грамадскіх навук Кітая і Пекінскага музея Гугун. На іх думку, знойдзеныя збаны і навакольныя іх астанкі ахвяраў складаюць адзінае цэлае, што служыць доказам правядзення абрадаў ахвярапрынашэння ў старажытнасці.

Зразумела, старажытныя мясцовыя жыхары валодалі некаторымі астранамічнымі ведамі. Як мяркуюцца навукоўцы, каб пакланіцца перад зоркамі, яны, магчыма, ладзілі ўрачыстыя абрады, падчас якіх маліліся пра добры ўраджай.

Раней абсерваторыя Таос у павеце Сянфэнь правінцыі Шаньсі на поўначы Кітая, чый узрост 4200 гадоў, лічылася самай старажытнай у Паднябеснай. Даследчыкі не выключаюць наяўнасць ўзаемасувязі паміж двума рэліквіямі.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.