Вы тут

Генадзь Пальчык: Акадэмія кіравання рыхтуе адзінкавых спецыялістаў


Сёння ў Прэзідэнцкай акадэміі адбылося ўрачыстае падвядзенне вынікаў залічэння абітурыентаў. З будучымі студэнтамі сустрэўся рэктар Акадэміі кіравання Генадзь Пальчык.


Фота БЕЛТА

— Акадэмія рыхтуе, вобразна кажучы, адзінкавых спецыялістаў: на бюджэт залічаны толькі 50 прававікоў-кіраўнікоў і ўсяго па 25 эканамістаў і айцішнікаў ў кіраўніцкай сферы. Прахадныя балы традыцыйна высокія, незалежна ад бюджэтнай або платнай форм навучання: у 2019 годзе на спецыяльнасць «Дзяржаўнае кіраванне і права» — 348 і 325 адпаведна, «Дзяржаўнае кіраванне і эканоміка»- 338 і 245, «Кіраванне інфармацыйнымі рэсурсамі»- 341 і 264 балы«, — распавёў Генадзь Пальчык.

Спецыфіка набору ў навучальную ўстанову заключаецца ў тым, што студэнты Акадэміі асвойваюць тры спецыяльнасці: «Дзяржаўнае кіраванне і права», «Дзяржаўнае кіраванне і эканоміка», «Кіраванне інфармацыйнымі рэсурсамі», якія з’яўляюцца эксклюзіўнымі.

— У іх няма аналагаў у іншых установах вышэйшай адукацыі. З улікам пастаўленых кіраўніком дзяржавы задач яны маюць выразна выяўлены практыка-арыентаваны складнік.

На аснове заключаных Акадэміяй кіравання дагавораў з зацікаўленымі арганізацыямі студэнты з першага курса атрымліваюць веды не толькі ў аўдыторыях, але, галоўнае — на інавацыйных пляцоўках, створаных, у тым ліку, у ААТ «МТЗ», Парку высокіх тэхналогій, навукова-тэхналагічнай асацыяцыі «Інфапарк», «Белінвестбанку», Нацыянальным цэнтры прававой інфармацыі Рэспублікі Беларусь, эканамічных судах г.Мінска і Мінскай вобласці, Нацыянальным агенцтве па турызме.

У гэтым годзе ў Інстытут кіраўніцкіх кадраў на першы курс для атрымання першай вышэйшай адукацыі залічана 180 чалавек.

Сярод студэнтаў, якія паступілі ў Акадэмію кіравання, многія дабіліся высокіх вынікаў пры атрыманні базавай сярэдняй адукацыі: 82 чалавекі з’яўляюцца выпускнікамі ліцэяў і гімназій, 66 скончылі школу з залатым медалём, 6 маюць стобальныя сертыфікаты па розных прадметах цэнтралізаванага тэставання, адзін абітурыент знаходзіцца ў банку даных адоранай моладзі.

Выбар рэдакцыі

Грамадства

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

РІSА-2018: зваротная сувязь. Якія праблемныя пункты ў адукацыі выявіла міжнароднае даследаванне

Наколькі беларуская сістэма адукацыі канкурэнтаздольная і ці адпавядае яна сусветным трэндам?

Грамадства

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Чаму наяўнасць бацькі ў сям'і такая важная для дзіцяці. Разбіраемся са спецыялістамі

Дзеці, якія вырастаюць у сем'ях, дзе няма таты або ён ёсць, але амаль не ўдзельнічае ў жыцці малога, па ўсіх паказчыках прайграюць і ў дзяцінстве, і ў дарослым жыцці.

Грамадства

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

Дырыжор Іван Касцяхін і рэжысёр Алена Медзякова: Мы цікавыя адно аднаму ва ўсіх праявах

І праз дзесяць гадоў пасля знаёмства яны любяць шпацыраваць па горадзе, узяўшыся за рукі.

Спорт

Як жыве адзіная школа коннага спорту ў Мінскай вобласці

Як жыве адзіная школа коннага спорту ў Мінскай вобласці

Да свайго юбілею школа атрымала выдатны падарунак — капітальны рамонт.