Вы тут

На 45-м міжнародным чэмпіянаце WorldSkіlls беларуская каманда выступіць у 33 кампетэнцыях


На 45-м міжнародным чэмпіянаце WorldSkіlls, які пройдзе з 22 па 27 жніўня ў Казані (Расія), беларуская каманда выступіць у 33 кампетэнцыях.


— Нашы ўдзельнікі прадэманструюць свае навыкі ў такіх кірунках, як тэхналогіі будаўніцтва, вытворчыя і інжынерныя тэхналогіі, інфармацыйныя і камунікацыйныя тэхналогіі, транспарт і лагістыка, сацыяльныя і персанальныя паслугі, творчыя прафесіі і мода, а таксама ў трох новых кампетэнцыях кірунку Future Skіlls (прафесіі будучыні), — расказаў журналістам рэктар Рэспубліканскага інстытута прафесійнай адукацыі Валерый ГАЛУБОЎСКІ. — Таксама мы будзем прадстаўлены і на чэмпіянаце юніёраў WorldSkіlls Junіor. Агульны склад каманды, уключаючы удзельнікаў, экспертаў, перакладчыкаў, афіцыйных асоб, — 83 чалавекі.

Спаборніцтвы сярод маладых прафесіяналаў пройдуць у 56 конкурсных кампетэнцыях. На сённяшні дзень у міжнародным некамерцыйным руху WorldSkіlls Іnternatіonal удзельнічаюць 79 краін, на тэрыторыі якіх пражывае 70 % насельніцтва зямнога шара. У Казані свае нацыянальныя зборныя выставяць 63 краіны, усяго плануецца 1,5 тысячы ўдзельнікаў. Да падзеі прыцягнуты 2 тысячы экспертаў і больш за 2,5 тысячы валанцёраў. Дзелавая праграма чэмпіянату абяцае быць вельмі насычанай: у яго рамках пройдзе саміт міністраў адукацыі краін — удзельніц руху WorldSkіlls Іnternatіonal, міжнародная канферэнцыя «Навыкі для перамен», выстаўка WorldSkіlls Kazan 2019.

Надзея НІКАЛАЕВА

Загаловак у газеце: Экзамен для прафесійнай школы

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.