Вы тут

Футбалісты «Шахцёра» згулялі ўнічыю ў гасцях з дацкім «Эсб'ергам» — 0:0


І выйшлі ў трэці раўнд кваліфікацыі Лігі Еўропы.


Нагадаем, у першым матчы прадстаўнікі беларускага клуба былі мацнейшыя за саперніка — 2:0. «Да гасцявога матча ў нас былі вялікія праблемы з цэнтральнай зонай. Прыйшла ў галаву такая ідэя: згуляць з двума хуткімі гульцамі наперадзе — Кавалёвым і Бакаем — і справа паставіць Бурко, які таксама валодае такімі якасцямі, у тым ліку цягавітасцю, — расказвае галоўны трэнер «Шахцёра» Сяргей Ташуеў. — Мы рады, што хлопцы задачу вырашылі, і вырашылі яе не так, адбіваючыся, а менавіта гуляючы ў футбол. У хуткі футбол, агрэсіўны, вельмі мабільны».

У 3-м раўндзе кваліфікацыі сапернікам салігорскага «Шахцёра» стане італьянскі «Тарына». Першы матч пройдзе 8 жніўня ў гасцях, а 15 жніўня гульня адбудзецца ў Салігорску.

«Мы задаволеныя, што выйшлі далей на моцны клуб. Праўда, кім гуляць, не ведаю. У нас выпадае цяпер Сялява, няма Грамыкі, прапускае гульню Сзоке — гэта значыць, гульцы цэнтральнай зоны. У самай галоўнай зоне застаўся адзін Эбонг. Зразумела, што сапернік будзе ў баявым складзе, вельмі складана будзе яму супрацьстаяць. Будзем думаць, можа, нешта прыдумаем», — пракаментаваў Сяргей Ташуеў.

Адзначым, што «Тарына» — адна з найстарэйшых каманд у Італіі, займае сёмае месца ў чэмпіянаце серыі А.

Нагадаем, раней футбалісты БАТЭ прайгралі нарвежскаму «Русенборгу» з лікам 0:2 у выязным матчы 2-га раўнда кваліфікацыі Лігі чэмпіёнаў. Цяпер барысаўскі клуб працягне выступленне на міжнароднай арэне ў Лізе Еўропы і згуляе ў 3-м кваліфікацыйным раўндзе з баснійскім «Сараева». Першая сустрэча пройдзе 8 жніўня, у адказ — 15 жніўня.

Дар'я Лабажэвіч

Загаловак у газеце: «Задачу вырашылі»

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.