Вы тут

Беларусь і Расія максімальна зблізілі пазіцыі па ўмовах адмены роўмінгу


Беларусь і Расія максімальна зблізілі пазіцыі па ўмовах адмены роўмінгу, засталося абмеркаваць спрэчныя пытанні аператарам дзвюх краін, паведаміў міністр сувязі і інфарматызацыі Беларусі Канстанцін Шульган, перадае карэспандэнт БелТА.


Паводле слоў Канстанціна Шульгана, бакі знайшлі кансэнсус, які ўключыў прапановы беларускага і расійскага бакоў. Цяпер ідзе афармленне дасягнутых дамоўленасцей. «Беларусь і Расія максімальна зблізілі пазіцыі. Ім трэба прыйсці да празрыстага і зразумелага фарміравання цаны за званок, знаходзячыся ў іншай краіне, каб кошт роўмінгу практычна наблізіць да ўнутраных тарыфаў Беларусі і Расіі. Сёння разлічваем канкрэтызаваць пазіцыі праекта дарожнай карты, некаторыя моманты яшчэ патрабуюць дапрацоўкі», — адзначыў міністр.

Чакаецца, што ў дарожнай карце будзе пастаўлена задача аператарам дамовіцца аб аптовых і рознічных тарыфах пры ўмове, што зніжаецца і стаўка інтэрканэкту (сістэма ўзаемаразлікаў паміж аператарамі сотавай сувязі) да мінімальнага значэння, які адобраны бакамі. Стаўкі інтэрканэкту плануецца сфарміраваць на ўзроўні 1,5 цэнта (цяпер яна ў Беларусі 30 цэнтаў).

Міністр сувязі і інфарматызацыі Беларусі дадаў, што для вырашэння пытання аб адмене роўмінгу цалкам магчыма спатрэбіцца збліжаць заканадаўчыя базы дзвюх краін. Сёння ў Полацку праходзяць перагаворы Беларусі і Расіі па адмене роўмінгу. Расію на перагаворах прадстаўляе намеснік міністра лічбавага развіцця, сувязі і масавых камунікацый Алег Іваноў. У абмеркаванні пытання таксама прымаюць удзел прадстаўнікі іншых міністэрстваў і службаў дзвюх краін, аператараў сувязі Беларусі і Расіі.

Работа па адмене роўмінгу на тэрыторыі Саюзнай дзяржавы праводзіцца ў адпаведнасці з рэзалюцыяй Вышэйшага дзяржаўнага савета СД ад 30 чэрвеня 2017 года. Аналагічная работа вядзецца і ў Арменіі, Азербайджане, Грузіі, Малдове, Украіне.

Загаловак у газеце: Пазіцыі па ўмовах адмены роўмінгу максімальна збліжаны

Выбар рэдакцыі

Палітыка

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

«Рэальнае жыццё нi ў якi нават самы дасканалы закон не ўмесцiш». Як дзейнічае Вярхоўны суд?

Пра першы год жыцця Вярхоўнага суда ў новым будынку — Валерый Калiнковiч.

Спорт

СААЗ рэкамендуе займацца спортам у хатнiх умовах

СААЗ рэкамендуе займацца спортам у хатнiх умовах

Сядзячы спосаб жыцця i нiзкi ўзровень фiзiчнай актыўнасцi могуць аказаць негатыўны ўплыў на здароўе.

Грамадства

Намеснік міністра аховы здароўя Алена Богдан: Сітуацыя з каранавірусам застаецца кантраляванай

Намеснік міністра аховы здароўя Алена Богдан: Сітуацыя з каранавірусам застаецца кантраляванай

У Беларусі з моманту выяўлення першага выпадку COVID-19 зарэгістравана 351 інфікаваных.