Вы тут

У 2019 годзе плануецца пабудаваць 4 млн м² жылля


У 2019 годзе для жыхароў краіны плануецца пабудаваць 4 мільёны квадратных метраў жылля, з якіх з дзяржпадтрымкай — 1 мільён 60 тысяч квадратных метраў, сацыяльнага жылля — 47,3 тысячы, арэнднага — 135,25 тысячы, індывідуальнага — больш за 1 мільён 750 тысяч квадратных метраў. Шматдзетныя сем'і змогуць абзавесціся жыллём агульнай плошчай 960 тысяч «квадратаў». Пра гэта паведаміў начальнік упраўлення жыллёвай палітыкі Міністэрства архітэктуры і будаўніцтва Аляксандр АЎРАМЕНКА.


— У студзені — чэрвені ў Беларусі пабудавана 1 705 013 квадратных метраў жылля. З іх для грамадзян, якія стаяць на ўліку для паляпшэння жыллёвых умоў, — 635 741 квадратны метр, у тым ліку 439 052 квадратныя метры з дапамогай дзяржпадтрымкі. З задачай будаўніцтва лепш за ўсё спраўляюцца Гомельская (51 % ад агульнага задання) і Мінская вобласці (48 %), найменшыя лічбы ў Віцебскай вобласці (31,4 %) і Мінска (35,8 %).

Сярэдні кошт будаўніцтва аднаго квадратнага метра жылля за кошт усіх крыніц фінансавання ў Беларусі за першае паўгоддзе склаў 1053 рублі, з выкарыстаннем дзяржаўнай падтрымкі — 880 рублёў, што не перавышае сярэднюю зарплату па краіне.

Прадстаўнік Міністэрства архітэктуры і будаўніцтва адзначыў, што вялікая ўвага пры ўзвядзенні жылля аддаецца шматдзетным сем'ям. Для іх з пачатку года пабудавана 3049 кватэр. У чарзе тых, хто мае патрэбу ў паляпшэнні жыллёвых умоў, стаіць 37 404 сям'і. Пры гэтым іх агульная колькасць з году ў год істотна змяншаецца.

На канец ліпеня сума адкрытых крэдытных ліній па Указе Прэзідэнта Рэспублікі Беларусь ад 04.07.2017 № 240 «Аб дзяржаўнай падтрымцы грамадзян пры будаўніцтве (рэканструкцыі) жылых памяшканняў» склала 42 1011,26 тысячы рублёў. За шэсць месяцаў бягучага года ў краіне пабудавана 465 кватэр сацыяльнага карыстання (23 838 квадратных метраў), у эксплуатацыю ўведзена 714 арэндных кватэр (41 005 квадратных метраў). Сёлета плануецца здаць 304 дамы, з іх 83 ужо ўзведзены, яшчэ 182 дамы знаходзяцца ў стадыі будаўніцтва. У Мінску ў эксплуатацыю ўжо ўведзена 26 шматкватэрных жылых дамоў і адзін інтэрнат у Студэнцкай вёсцы.

Дар'я ШЛАПАКОВА

Загаловак у газеце: 960 тысяч «квадратаў» для шматдзетных

Выбар рэдакцыі

Грамадства

Актрыса Вераніка Пляшкевіч: Захавальнік сямейнай казны — мой муж

Актрыса Вераніка Пляшкевіч: Захавальнік сямейнай казны — мой муж

У сям'і вядомых акцёраў Веранікі Пляшкевіч і Андрэя Сенькіна бытавыя клопаты размеркаваны не зусім традыцыйна.

Грамадства

Чаго чакаць бацькам, калі іх дзіця злавілі на крадзяжы

Чаго чакаць бацькам, калі іх дзіця злавілі на крадзяжы

«Маё дзіця дамоў прывяла міліцыя...» — голас знаёмай дрыжаў. Яна была напалохана, разгублена, ёй было сорамна.

Грамадства

Барысаўскі мецэнат вяртае роднаму гораду славу культурна-гістарычнага цэнтра

Барысаўскі мецэнат вяртае роднаму гораду славу культурна-гістарычнага цэнтра

Паміж імі 150 гадоў, агульная малая радзіма — Барысаў і любоў да гісторыі.

Грамадства

Пераможцы конкурсу «Сям'я года — 2019» пра галоўнае ў сямейным шчасці

Пераможцы конкурсу «Сям'я года — 2019» пра галоўнае ў сямейным шчасці

Алена і Сяргей Нікалаевы, а таксама іх пяцёра дзяцей усё яшчэ пад уплывам сваёй трыумфальнай перамогі.