Вы тут

Дзве сталіцы — Мінск і Ташкент — стануць бліжэйшыя


Хакіміят Ташкента і Мінскі гарадскі выканаўчы камітэт для рэалізацыі пагаднення аб гандлёва-эканамічным, навукова-тэхнічным і культурным супрацоўніцтве падпісалі план мерапрыемстваў на 2019-2020 гады, паведамляе БелТА.


У прыватнасці, на гэты час гады запланавана правядзенне Дзён Ташкента ў Мінску і Дзён Мінска ў Ташкенце з арганізацыяй выставак прадукцыі і паслуг, прэзентацыямі прамысловага і турыстычнага патэнцыялу гарадоў.

Што датычыцца эканамічнага ўзаемадзеяння, то плануецца правесці бізнес-форумы, сустрэчы, канферэнцыі, сімпозіумы, выстаўкі, кірмашы, перагаворы прадстаўнікоў дзелавых колаў. Бакі будуць абменьвацца інфармацыяй аб выставачных мерапрыемствах, садзейнічаць усталяванню партнёрскіх і эканамічных сувязяў у галіне тавараў і паслуг. Запланаваны форум маладых прадпрымальнікаў.

Бакі дамовіліся аб абмене перадавым вопытам і для развіцця спорту: пройдуць семінары, спаборніцтвы і сумесныя спартыўныя трэніроўкі, у тым ліку па алімпійскіх відах спорту.

У сферы адукацыі плануецца абменьвацца дэлегацыямі педагогаў устаноў агульнай і дадатковай адукацыі, арганізоўваць паездкі дэлегацый Мінска і Ташкента. Будзе развівацца супрацоўніцтва агульнаадукацыйных устаноў у галіне мастацка-эстэтычнага выхавання навучэнцаў, адбудуцца сумесныя фестывалі і конкурсы. Запланавана развіццё праектаў з выкарыстаннем мультымедыйных сродкаў і тэхналогій дыстанцыйнага навучання.

Што да культурнага ўзаемадзеяння, то ў праграме — правядзенне Дзён культуры, мастацкіх фестываляў, выставак. Гарады абмяняюцца інфармацыяй аб святкаваннях памятных дат і іншых значных падзей. Будуць устаноўлены прамыя кантакты паміж тэатральна-канцэртнымі арганізацыямі Мінска і Ташкента, пройдуць гастролі творчых калектываў, тэатральных груп.

Загаловак у газеце: Дні культуры, бізнес-форумы і сумесныя трэніроўкі

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.