Вы тут

Тры нагоды ўключыць тэлевізар


Рок

У найбліжэйшую суботу аэрадром Баравая прыме чарговы, ужо дванаццаты па ліку, фестываль «Рок за Баброў». Сёлета ў яго праграме нямала гучных і папулярных сярод моладзі імёнаў, пачынаючы ад вядучых — кампанію нязменнаму Аляксандру Памідораву складзе адзін з самых уплывовых блогераў Рунета, журналіст Юрый Дудзь. На сцэне наведвальнікі ўбачаць 12 выканаўцаў і калектываў: «Мумій Троль», «Ляпіс-98», Манетачку, Басту, Lіttle Bіg, «Дай Дарогу» і іншых.

Для тых, хто не трапіць на фэст асабіста, добрая навіна: музычны марафон працягласцю дванаццаць гадзін запіша Белтэлерадыёкампанія. Вядучыя маладзёжнага тэлепраекта «Пін_Код» у выязной студыі пагутараць з удзельнікамі і гасцямі фестывалю і будуць трымаць гледачоў у курсе падзей у фармаце стрыма — відэаролікаў на афіцыйных старонках праекта і тэлеканала ў сацыяльных сетках УКантакце і Іnstagram. А ўжо 4 жніўня «Беларусь 2» прапануе сваёй аўдыторыі першую трохгадзінную праграму «Рок за Баброў», якая распачне цыкл вялікіх нядзельных канцэртаў у вячэрнім эфіры.

Балет

А вось гледачоў сацыякультурнага канала «Беларусь 3» у жніўні кожную нядзелю чакаюць «Балетныя гісторыі» — серыя праграм, у якіх будуць прадстаўлены чатыры балетныя пастаноўкі Вялікага тэатра Беларусі.

Адкрые «Балетныя гісторыі» маштабны нацыянальны праект «Анастасія» Вячаслава Кузняцова, пастаўлены паводле сапраўдных гістарычных падзей і жыцця вядомай князёўны Анастасіі Слуцкай, але пры гэтым адрозны ад ранейшай кінаверсіі. 11 жніўня тэлеканал пакажа ўвасабленне адвечнай шэкспіраўскай трагедыі «Рамэа і Джульета» — балет Сяргея Пракоф'ева ў новай аўтарскай рэдакцыі народнага артыста Беларусі Валянціна Елізар'ева. Яшчэ праз тыдзень, 18 жніўня, у тэлеэфіры ажывуць старадаўнія славянскія летапісы часу князёў Вітаўта і Ягайлы — балетную эстафету падхопіць нацыянальны балет Вячаслава Кузняцова «Вітаўт». А завершыць цыкл 25 жніўня канцэрт навучэнцаў і выпускнікоў Беларускай дзяржаўнай харэаграфічнай гімназіі-каледжа — балет «Шлях да мары».

Кіно

Дакладней, новы стары серыял «Экспрапрыятар». Новы — бо вытворчасць яго, за якую ўзяліся, між іншым, мэтры расійскага кіно Уладзімір Краснапольскі і Валерый Ускоў, была завершаная толькі летась, а тэлевізійная прэм'ера адбудзецца 5 жніўня на АНТ. Стары — бо падзеі 16-серыйнага крымінальнага серыяла пачынаюцца з 1941 года, а сама гісторыя з'яўляецца прыквелам (г. зн. папярэднікам па храналогіі і сюжэце) знакамітага серыяла 2000-х «Бандыцкі Пецярбург», які ў сваю чаргу з'яўляўся экранізацыяй твораў Андрэя Канстанцінава.

Кінагісторыя «Экспрапрыятар» (другая назва — «Юнацтва Барона») прысвечана юнацкім гадам аднаго з галоўных герояў «Бандыцкага Пецярбурга» — знакамітага злодзея-рэцыдывіста, «экспрапрыятара нарабаваных каштоўнасцяў» Юркі Барона. Уласна, прыквел, які ахоплівае амаль 40 гадоў, якраз і паказвае, як час і людзі абышліся з хлопчыкам з інтэлігентнай прафесарскай сям'і, чаму ён, перажыўшы блакаду, партызанскі атрад і фронт, упершыню трапляе ў турму і прымае рашэнне стаць крымінальным аўтарытэтам. Галоўнага героя, дарэчы, іграюць адразу трое акцёраў: Арцём Шафер — Юрку ў дзяцінстве, Павел Мелянчук — у маладосці, Арцём Ткачэнка — дарослага Барона.

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.