Вы тут

На Гродзеншчыне знайшлі рарытэтнае Евангелле ўзростам каля 300 гадоў


Кніга трапіла ў поле зроку спецыялістаў падчас этнаграфічнай практыкі студэнтаў гістарычнага факультэта, паведамляе прэс-служба БДУ.


Уладальнікам рарытэту з’яўляецца старажыл Зэльвенскага раёна Аляксандр Калюта. Біблія перадаецца ў сям’і як рэліквія ад бацькі да сына на працягу больш пяці пакаленняў. Па словах Аляксандры Калюты, узрост кнігі можа дасягаць 300 гадоў. Сапраўдны пераплёт выдання не захаваўся. Устанавіць дакладны ўзрост старадрукаванага Евангелля трэба будзе навукоўцам гістарычнага факультэта БДУ. Яны таксама вызначаць унікальнасць асобніка.

Звычайна падобныя выданні можна сустрэць у фондах музеяў, у цэрквах ці прыватных калекцыях. Таму такая знаходка сярод мясцовых жыхароў можа аказацца каштоўным артэфактам. Напрыклад, у 2016 годзе ў рамках этнаграфічнай практыкі студэнтаў гістарычнага факультэта БДУ быў знойдзены абраз Святой вялікамучаніцы Варвары, які датуецца 2-й паловай 19 стагоддзя. Абраз належаў жыхарцы Барысаўскага раёна, якая і перадала яго ўдзельнікам экспедыцыі. Гісторыкамі была праведзена атрыбуцыя, пасля чаго абраз папоўніў фонд Нацыянальнага гістарычнага музея.

У гэтым годзе этнаграфічныя даследаванні студэнтаў БДУ прайшлі ў дзесяці населеных пунктах Зэльвенскага раёна Гродзенскай вобласці. Усяго на працягу трох тыдняў было апытана больш як 60 пажылых людзей. Падобныя экспедыцыі праводзяцца, каб зафіксасваць маўленчыя асаблівасці карэнных жыхароў, устанавіць мясцовыя адметнасці, вывучыць традыцыі і абрады, выявіць новыя гістарычныя крыніцы. Усе атрыманыя матэрыялы апрацоўваюцца і публікуюцца для далейшага іх выкарыстання фалькларыстамі і лінгвістамі.

Надзея НІКАЛАЕВА

Выбар рэдакцыі

Культура

Кастусь Качан: Калі б не стаў мастаком, гэта было б не жыццё, а пакуты

Кастусь Качан: Калі б не стаў мастаком, гэта было б не жыццё, а пакуты

Ён рыхтуецца прадставіць выстаўку ў Нацыянальным мастацкім музеі Беларусі.

Грамадства

Мінпрацы — пра зарплаты бюджэтнікаў

Мінпрацы — пра зарплаты бюджэтнікаў

Спецыялісты Міністэрства працы і сацыяльнай абароны ў анлайн-рэжыме адказалі на некаторыя пытанні, звязаныя са змяненнем умоў аплаты працы работнікаў бюджэтных арганізацый з 1 студзеня 2020 года.

Спорт

Малады батутыст Іван Літвіновіч: Я зламаў сківіцу сваім жа каленам

Малады батутыст Іван Літвіновіч: Я зламаў сківіцу сваім жа каленам

Як хлопец з Вілейкі абыгрывае славутых кітайцаў.