Вы тут

Разрадам маланкі смяротна траўмавана жанчына


Паблізу вёскі Глушкавічы Лельчыцкага раёна, як мяркуецца, разрадам маланкі смяротна траўмавана жанчына. Такая інфармацыя размешчана на сайце Дзяржкамітэта судовых экспертыз, паведамляе БелТА.


Трагедыя адбылася, калі дзве мясцовыя жыхаркі ў час навальніцы ехалі на веласіпедах па дарозе Мілашэвічы — Глушкавічы. Прыкладна ў 14.20 у небе бліснула маланка і пенсіянерка, якая ехала наперадзе, звалілася. Другая жанчына спынілася, каб дапамагчы ёй, але тая ўжо не падавала прыкмет жыцця. Яе вопратка была абпалена ў некалькіх месцах.

Пры правядзенні судова-медыцынскай экспертызы на целе загінулай эксперт выявіў сляды, характэрныя для паражэння электрычным токам. Дадатковыя даследаванні дазволяць устанавіць дакладную прычыну смерці.

Як паведамілі ў Дзяржкамітэце, удары маланак выключна небяспечныя. Яе ўдар смяротны для ўсяго жывога, праўда, у людзей і жывёл маланка трапляе параўнальна рэдка і толькі ў тых выпадках, калі сам чалавек з-за сваёй бяспечнасці ці няведання стварае для гэтага спрыяльныя ўмовы.

Важна разумець, што маланка заўсёды рухаецца да зямлі самым кароткім шляхам і часцей за ўсё б'е ў высокія прадметы, а з двух прадметаў аднолькавай вышыні — у той, які з'яўляецца лепшым правадніком. На вуліцы варта трымацца далей ад высокіх дрэў, якія растуць асобна, слупоў, ліній электраперадач, а таксама ад вогнішча, бо слуп гарачага паветра — добры праваднік электрычнасці. Акрамя таго, у непагадзь нельга знаходзіцца ў вадзе, а рыбалку падчас навальніцы трэба адразу ж кінуць.

Загаловак у газеце: Смяротная маланка

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.