Вы тут

Прэзідэнты Беларусі і Узбекістана правялі пад Мінскам нефармальную сустрэчу


Па запрашэнні Прэзідэнта Беларусі Аляксандра Лукашэнкі Прэзідэнт Узбекістана Шаўкат Мірзіёеў наведаў дзяржаўную рэзідэнцыю «Заслаўе», паведамляе БЕЛТА.


Кіраўнікі дзяржаў прагуляліся па тэрыторыі рэзідэнцыі, а затым абмяняліся падарункамі. Аляксандр Лукашэнка прэзентаваў свайму узбекскаму калегу пано «Беларус» і беларускую вышыванку, а яго малодшы сын Мікалай уручыў Прэзідэнту Узбекістана статуэтку зубра. Шаўкат Мірзіёеў у сваю чаргу падарыў кіраўніку дзяржавы статую хакеіста.

Прэзідэнты таксама пагутарылі ў нефармальнай абстаноўцы. Прычым месцам сустрэчы была абраная разьбяная альтанка, якую Шаўкат Мірзіёеў падарыў Аляксандру Лукашэнку ў мінулым годзе пасля яго афіцыйнага візіту ў Узбекістан.

Як паведамлялася, Прэзідэнт Узбекістана сёння прыбыў з афіцыйным візітам у Беларусь. Перамовы кіраўнікоў дзяржаў адбудуцца 1 жніўня ў Палацы Незалежнасці.

Бакі разгледзяць перспектывы рэалізацыі сумесных праектаў у машынабудаванні, лёгкай прамысловасці, сельскай гаспадарцы, фармацэўтыцы, транспартнай сферы і IT-сектары. Асаблівая ўвага будзе нададзена наладжванню міжрэгіянальнага ўзаемадзеяння, паглыбленню вытворчай кааперацыі і забеспячэнню спрыяльных умоў для ўзаемнага гандлю таварамі і паслугамі.

Прэзідэнты плануюць разам наведаць выставу нацыянальнай прадукцыі Узбекістана, якая ў гэтыя дні праходзіць у беларускай сталіцы. Праграма візіту Шаўката Мірзіёева таксама прадугледжвае наведванне Парку высокіх тэхналогій.

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».