Заступілі ў апошні дзень ліпеня на свае пасты ў сталічнай міліцыі. Ім уручылі табельную зброю і службовыя пасведчанні.
— Сёння для вас урачысты дзень, — адзначыў начальнік ГУУС Мінгарвыканкама Іван Кубракоў. — Вы ўліваецеся ў падраздзяленні сталічнай міліцыі. Хачу сказаць колькі слоў пра вашу будучую службу. Нагрузка тут самая высокая ў краіне. У нас праходзіць шмат масавых мерапрыемстваў, у тым ліку і спартыўных. Тыя супрацоўнікі, якія прайшлі гэтую школу, могуць працаваць паўсюль. Пераважна з іх і камплектуецца цэнтральны апарат МУС.
Месца для ўрачыстага рытуалу было выбрана сімвалічнае — каля помніка міліцыянерам, якія загінулі ў мірны час пры выкананні службовых абавязкаў.
— Ён тут праводзіцца ўпершыню, — зазначыў Іван Кубракоў. — У гэтым месцы знаходзіцца помнік нашым калегам, якія навек засталіся ў страі. Мы шануем памяць пра іх. І новыя супрацоўнікі мусяць выхоўвацца на гэтых ідэалах. Што да службовай падрыхтоўкі, то яна ўдасканальваецца год ад году. Нашы супрацоўнікі, якія маюць вялікі досвед практычнай работы, выязджаюць у навучальныя ўстановы, дзе праводзяць заняткі.
Валяр'ян ШКЛЕННІК
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
