Вы тут

ФПБ рыхтуецца да парламенцкіх выбараў


Федэрацыя прафсаюзаў прыме актыўны ўдзел у падрыхтоўцы і правядзенні парламенцкіх выбараў, якія павінны будуць прайсці ў лістападзе. Пра гэта паведаміў старшыня Федэрацыі прафсаюзаў Беларусі Міхаіл Орда перад Х пленумам Савета ФПБ.


Мы, як і любое цывілізаванае грамадства, жывём па законах. І якасць законаў вызначае якасць нашага жыцця. Таму вельмі важна, каб заканадаўчы орган быў высокапрафесійным, лічыць прафсаюзны лідар.

— Мы зацікаўлены ў тым, каб людзі, якія прапануюць свае кандыдатуры для абрання дэпутатамі ў Палату прадстаўнікоў 7-га склікання і будуць абраныя, ведалі сітуацыю ў працоўных калектывах, разбіраліся ў пытаннях, чулі і разумелі праблемы насельніцтва, — заявіў Міхаіл Орда. — І нам вельмі важна, каб у тых законапраектах, якія будуць прымацца, дэпутатамі ўлічвалася меркаванне прафсаюзаў і работнікаў.

Федэрацыя прафсаюзаў — адна з самых масавых грамадскіх арганізацый у краіне. Яна ніколі не заставалася ўбаку ад важных палітычных, грамадскіх падзей. І гэтым разам ФПБ плануе вылучаць сваіх прадстаўнікоў у выбарчыя камісіі ўсіх узроўняў і прыме актыўны ўдзел у назіранні за выбарамі. «Мы падтрымаем кандыдатаў у дэпутаты і праграмы, сугучныя з кірункамі і прынцыпамі, якіх прытрымліваецца ў сваёй рабоце Федэрацыя прафсаюзаў Беларусі», — адзначыў кіраўнік прафсаюзаў.

У 2016 годзе больш за шэсць тысяч назіральнікаў ад ФПБ былі акрэдытаваны для маніторынгу парламенцкіх выбараў. У складзе ўчастковых выбарчых камісій працавала каля дзевяці тысяч прафсаюзных прадстаўнікоў.

Святлана БУСЬКО

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.