Вы тут

Найлепшыя цыркачы свету збяруцца ў беларускай сталіцы


З 19 да 22 верасня ў Беларускім дзяржаўным цырку пройдзе Другі Мінскі міжнародны фестываль цыркавога мастацтва. Мінчане і госці сталіцы займеюць унікальную магчымасць пазнаёміцца з найлепшымі дасягненнямі сусветнай цыркавой справы і трапіць на сапраўднае свята прыгажосці, грацыі і трука.


Клоўны Антон і Віктар Франке, прадстаўнікі цыркавой дынастыі.

Для ўдзелу ў цыркавым шоу даслалі заяўкі больш за 300 артыстаў з розных краін. Па выніках скрупулёзнага адбору ў фестывалі возьме ўдзел каля 100 майстроў цырка з Бразіліі, Чылі, Кітая, Аўстраліі, Эфіопіі, Таджыкістана, Ізраіля, КНДР, Румыніі, Туркменістана, Украіны, Малдовы, Германіі, Казахстана, Расіі, Беларусі. Арганізатары абяцаюць, што на фестывалі будзе цікава як аматарам, так і знаўцам цырка. Удзельнікі пазмагаюцца за ўзнагароды ў намінацыях «Гран-пры», «Золата», «Серабро», «Бронза», «Прыз глядацкіх сімпатый», «Прыз дзіцячага журы» і за іншыя спецыяльныя прызы.

Дырэктар Белдзяржцырка Уладзімір Шабан расказаў, што некаторыя краіны будуць прадстаўлены 2-3 нумарамі. З Расіі выступяць артысты з Расдзяржцырка, Вялікага Маскоўскага дзяржаўнага цырка і Маскоўскага цырка Нікуліна на Каляровым бульвары — ва ўсіх гасцей вельмі высокі выканальніцкі ўзровень. Расіяне прадставяць «Сустрэчныя арэлі», на якіх будуць працаваць дзяўчыны ў яскравых бальных сукенках — па ўсім можна меркаваць, атрымаецца чароўнае відовішча. Выступіць Сяргей Несцераў з дрэсіраванымі белымі тыграмі, які пакажа ўнікальную работу дрэсіроўшчыка з жывёламі — без бізуноў і штыкоў. Ізраіль прадставіць два нумары, адзін з якіх выканае 18-гадовая паветраная гімнастка Аліса Шэхтар з ашдоцкага цырка «Дорату», а падчас другога нас чакае фантастычная трансфармацыя — імгненныя пераадзяванні Даніэля Беньяміна.

Словам, на фестывалі будзе сабрана разнастайная жанравая палітра цыркавога мастацтва: акрабатыка, гімнастыка, жангліраванне, клаўнада, эквілібрыстыка, фокусы, дрэсура і атлетыка. Беларусы таксама рыхтуюць некалькі нумароў. Паветраную гімнастыку прадставіць дуэт Анастасіі Данчанкі і Анастасіі Пуцяты, у атракцыёне Барыса Лазарова будуць задзейнічаны дрэсіраваныя вярблюды і ламы. Асілкі браты Дзмітрый і Багдан Казаковы, верагодна, падрыхтуюць новы ўнікальны трук.

На форуме выступіць дуэт клоўнаў Бэлы і Алекса Чэрвоткіных і клоўн з Бразіліі Пепе Жардзім, а таксама бацька і сын Франке — клоўны найвышэйшага ўзроўню, якія сваім майстэрствам вучаць людзей дабру і слушным адносінам старэйшага і малодшага пакаленняў.

Па выніках фэсту будуць адабраныя 15 найлепшых нумароў для новай праграмы «Брава». Яна будзе ісці ў Белдзяржцырку з 27 верасня да 8 снежня.

Ніна ШЧАРБАЧЭВІЧ

Загаловак у газеце: Клоўны, якія вучаць дабру

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.