Вы тут

У абітурыентаў ёсць апошні шанц трапіць на «бюджэт»


Дадатковы набор на вакантныя бюджэтныя месцы абвешчаны ў некаторых ВНУ. Адпаведную інфармацыю трэба шукаць на сайтах вышэйшых навучальных устаноў.


Так, у Беларускай дзяржаўнай сельскагаспадарчай акадэміі на спецыяльнасці «агранамія» засталіся 32 свабодныя месцы. Адно вакантнае месца ёсць на спецыяльнасці «аграхімія і глебазнаўства». І 46 месцаў — на спецыяльнасці «заатэхнія». Для паступлення сюды абітурыенты павінны падаць сертыфікаты ЦТ па біялогіі і хіміі з сумай балаў не менш як 7.

У Гомельскім дзяржаўным універсітэце імя Францыска Скарыны ёсць 2 вакантныя месцы на спецыяльнасці «беларуская філалогія (літаратурна-рэдакцыйная дзейнасць)».

Тры месцы засталіся незапоўненыя ў Палескім дзяржаўным універсітэце на спецыяльнасці «інфармацыйныя тэхналогіі фінансава-крэдытнай сістэмы». Форма навучання — дзённая, скарочаны тэрмін навучання (2,5 года). На вакантныя месцы могуць паступаць выпускнікі сярэдніх спецыяльных навучальных устаноў, якія здалі ўнутраныя пісьмовыя ўступныя выпрабаванні па «асновах алгарытмізацыі і праграмавання» і «ахове працы, ахове навакольнага асяроддзя і энергазберажэнні». Трэба мець на ўвазе, што пры паступленні на скарочаную форму навучання не мае значэння, у якой ВНУ абітурыент здаваў унутраныя ўступныя іспыты па профілі будучай спецыяльнасці.
Прыём дакументаў у рамках дадатковага набору для ўдзелу ў конкурсе на бюджэтныя месцы будзе весціся з 30 ліпеня да 1 жніўня.

Нагадаем, што мінімальныя балы па прадметах ЦТ, з якімі можна паступаць у рамках дадатковага набору, не зніжаюцца. Яны такія ж, як і мінімальныя балы, устаноўленыя для асноўнага набору. На вакантныя бюджэтныя месцы змогуць прэтэндаваць абітурыенты, якія не прайшлі па конкурсе пры паступленні ў іншыя ВНУ, але маюць на руках патрэбныя сертыфікаты або паступалі на іншыя спецыяльнасці ў тую ж ВНУ. Акрамя таго, удзельнічаць у конкурсе могуць грамадзяне Украіны і асобы без грамадзянства, якія пражывалі на тэрыторыі Данецкай і Луганскай абласцей і прыбылі ў Рэспубліку Беларусь для атрымання дазволаў на часовае або пастаяннае пражыванне, у выпадку падачы імі дакументаў, якія пацвярджаюць іх пражыванне і навучанне на вышэйзгаданых тэрыторыях.

Залічэнне ў рамках дадатковага набору адбудзецца да 3 жніўня.

Надзея НІКАЛАЕВА

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.