Вы тут

Як летнія змены ў дзіцячых лагерах дапамогуць развіваць рух «Зялёных школ»?


Вучыцца падчас канікул — такі нестандартны спосаб бавіць летні час выбралі для сябе 140 школьнікаў з розных куткоў Беларусі. Чым жа займаліся ўдзельнікі незвычайнай змены?


Каб знайсці птушку ў прыродзе, трэба добра ведаць яе характарыстыкі.

У пачатку ліпеня дзіцячы рэабілітацыйна-аздараўленчы цэнтр «Надзея», што ў Вілейскім раёне, прымаў удзельнікаў першай у краіне змены «Зялёных школ». Гэта стала магчыма дзякуючы праекту «Уцягванне грамадскасці ў экалагічны маніторынг і паляпшэнне кіравання аховай навакольнага асяроддзя на мясцовым узроўні» («Экаманіторынг»), які фінансуецца Еўрапейскім саюзам і рэалізуецца ПРААН у партнёрстве з Мінпрыроды.

Каб трапіць на экалагічную змену, і школьнікі, і педагогі прайшлі сур'ёзны конкурсны адбор. Разам з адпачынкам іх чакала штодзённая праца па пяці кірунках — інтэрактыўныя гульні і экскурсіі, вопыты і дыскусіі, заданні па экалагічным маніторынгу, захаванні біяразнастайнасці, энерга- і водазберажэнні, вырашэнні праблемы адходаў.

У першай змене прынялі ўдзел 150 чалавек – 140 дзяцей і 10 настаўнікаў. Яшчэ 200 чалавек адправяцца на аздараўленне ў “Надзею” і “Зубронак” у жніўні. Увогуле ж за два гады праекта ў зменах “Зялёных школ” возьме ўдзел 700 дзяцей.

У Дзень адчыненых дзвярэй дзеці прадэманстравалі практычную частку сваёй працы — былі арганізаваны тэматычныя пляцоўкі, дзе шмат цікавай інфармацыі атрымалі як самі юныя эколагі, так і іх дарослыя калегі.

На пляцоўцы «Энергазберажэнне» кожны мог даведацца, чаму важна правяраць, ці адключаныя ўсе непатрэбныя электрапрыборы, навошта даставаць з разеткі зарадныя прылады, а таксама чаму неабходна ўдзельнічаць у экалагічных акцыях.

Якія тры асноўныя «водныя» праблемы сёння вельмі хвалююць эколагаў? Вызначыць іх дапамаглі на станцыі «Водазберажэнне» — педагогі прапанавалі школьнікам вызначыць колькасць нітратаў у пітной вадзе, вылічыць у складзе бытавой хіміі і касметычных сродкаў небяспечныя для прыроды і чалавека фасфаты і мікрапластык.

— Мы імкнёмся працаваць са школьнікамі так, каб атрыманыя імі веды актыўна прымяняліся на практыцы, — кажа спецыяліст па ўстойлівым кіраванні воднымі рэсурсамі Цэнтра экалагічных рашэнняў Наталля ПАРЭЧЫНА. — Вось і падчас змены дзеці пасля праведзеных даследаванняў стварылі і перадалі бацькам відэаролік-пасланне па гэтай тэме.

На пляцоўцы «Абыходжанне з адходамі» хлопцы і дзяўчаты паказалі, як яны сартуюць смецце, наколькі добра разбіраюцца ў экалагічнай маркіроўцы тавараў і часе раскладання розных відаў адходаў.

У дзіцячым цэнтры «Надзея» збіраюць адходы асобна і дапамагаюць дзецям з інваліднасцю.

Цікавыя заданні падрыхтавалі для школьнікаў і арганізатары пляцоўкі «Біяразнастайнасць».

— Падчас эказмену мы з дзецьмі вывучалі ў тэорыі расліны, птушак і іншых жывёл, — расказвае педагог з Кобрынскага эколага-біялагічнага цэнтра, выхавальнік Аляксандр СТРАЧУК. — Каб паказаць, наколькі яны засвоілі матэрыял, дзецям неабходна было выканаць заданне па арніталогіі: па апісанні віду знайсці яго ў вызначальніку, а потым і ў натуральным асяроддзі.

Незвычайным экспанатам на пляцоўцы «Якасць атмасфернага паветра» сталі... лішайнікі. Так, менавіта розныя віды гэтай расліны дапамаглі ўдзельнікам эказмену вызначыць, наколькі чыстае паветра ў лагеры.

Каб экалагічнае навучанне было больш дасканалае, у дзіцячым цэнтры «Надзея» ў рамках праекта «Экаманіторынг» быў створаны «зялёны клас»: закуплена абсталяванне, інтэрактыўны матэрыял для вядзення заняткаў па ўсіх кірунках праграмы «Зялёных школ». У гэтым класе будуць займацца не толькі ўдзельнікі экалагічных змен, але і іншыя школьнікі, якія прыязджаюць сюды на аздараўленне, у тым ліку з тэрыторый, што пацярпелі ад аварыі на ЧАЭС, а таксама дзеці з абмежаванымі магчымасцямі.

Вераніка КОЛАСАВА, фота аўтара

Загаловак у газеце: Адпачываем па-зялёнаму!

Выбар рэдакцыі

Грамадства

Галiна Левіна: Помнiк — не канструктар i не чарцёж, яго трэба перажыць, выпакутаваць

Галiна Левіна: Помнiк — не канструктар i не чарцёж, яго трэба перажыць, выпакутаваць

У архiтэктара Галiны Левiнай — Хатынь, творчая спадчына яе бацькi.

Грамадства

Прэмiя прыгажосцi. Дзеля чаго людзi кладуцца пад нож пластычнага хiрурга?

Прэмiя прыгажосцi. Дзеля чаго людзi кладуцца пад нож пластычнага хiрурга?

Як сведчаць шматлiкiя даследаваннi, прывабным людзям прасцей прабiцца ў жыццi i яны дасягаюць у кар'еры большага поспеху. 

У свеце

Як Еўропа аднаўляецца ад кавiднага ўдару?

Як Еўропа аднаўляецца ад кавiднага ўдару?

Сёлета еўрапейская эканомiка будзе перажываць глыбокую рэцэсiю з-за ўспышкi каранавiруса, нягледзячы на хуткiя i ўсёабдымныя антыкрызiсныя меры як на саюзным, так i на нацыянальным узроўнi.

Эканоміка

Тонкае мастацтва дабрабыту. Складаем сямейны бюджэт разам са спецыялістам Нацбанка

Тонкае мастацтва дабрабыту. Складаем сямейны бюджэт разам са спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.