Вы тут

Жанчына прадставілася супрацоўніцай санэпідэмстанцыі і скрала грошы


Як паведамляе афіцыйны сайт групы інфармацыі і грамадскіх сувязяў упраўлення ўнутраных спраў Гомельскага аблвыканкама, у канцы мінулага тыдня, 26 ліпеня, неўстаноўленая дзяўчына ў 15.13 зайшла ў краму «Тавары для дома» ў вёсцы Залессе Чачэрскага раёна.


Там яна прадставілася работнікам абласнога цэнтра гігіены і эпідэміялогіі і паведаміла, што агледзіць гандлёвы пункт на прадмет выяўлення недахопаў. «Праверыўшы» магазін, яна ўказала загадчыцы на быццам бы знойдзеныя «парушэнні» і сказала, што сума штрафу складае 45 рублёў.

Работнік крамы перадала грошы невядомай, і тая выйшла з гандлёвага памяшкання. Якіх-небудзь дакументаў, якія пацвярджалі б факт правядзення праверкі або выплаты штрафу, дзяўчына не пакінула.

Учора днём стала вядома, што аператыўнікі Савецкага РАУС Гомеля ў абласным цэнтры затрымалі падазраваную ў здзяйсненні гэтага злачынства дзяўчыну, паведаміў афіцыйны прадстаўнік УУС Гомельскага аблвыканкама Віталь Прыстромаў. Затрыманай аказалася непрацуючая 29-гадовая жыхарка Барысаўскага раёна Мінскай вобласці.

Канстанцін ЛЮТКЕВІЧ

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».