Вы тут

Усходні гараскоп на наступны тыдзень


АВЕН. Пастарайцеся не замыкацца ў сабе і не ператварацца ў рака-пустэльніка. Зносіны вам неабходны, няхай нават патроху, ненадоўга. Ваша ідэя, якая ператворыцца ў рэальнасць, пачне прыносіць плён. Можаце адкрыць для сябе новыя творчыя аспекты, але неабходна ўлічваць, што для гэтага спатрэбіцца цішыня і камфортная абстаноўка.

ЦЯЛЕЦ. Спатрэбіцца адказнасць у прыняцці рашэнняў і сіла ва ўсім астатнім. На рабоце праявіце асцярожнасць — няхай пра вашы поспехі пакуль не ведаюць калегі, бо гэта можа стварыць пэўную праблему ў адносінах. Сканцэнтруйцеся на галоўнай мэце: сіл для яе рэалізацыі павінна хапіць.

БЛІЗНЯТЫ. Тыдзень будзе суправаджацца цэлай гірляндай яркіх і значных падзей. Гэта, верагодна, доўгачаканае падарожжа з каханым чалавекам ці з сябрамі, ажыццяўленне даўніх жаданняў і задум. Для тых, чый адпачынак яшчэ не пачаўся, пажадана пачакаць з праявай ініцыятывы — зараз для гэтага не найлепшы час. У некаторых сітуацыях будзе вельмі складана захоўваць дыпламатычнасць.

РАК. Поспех прыйдзе праз сяброў і кантакты з аддаленымі, магчыма замежнымі, дзелавымі партнёрамі. Сцеражыцеся вельмі прывабных прапаноў, якія звязаны з неабходнасцю тэрміновых капіталаўкладанняў. Нягледзячы на вынослівасць, не ўзвальвайце на сябе празмерны цяжар працы — гэта можа не найлепшым чынам паўплываць на сямейныя адносіны.

ЛЕЎ. Сціпласць будзе ўпрыгожваць і пазбавіць ад непаразуменняў і канфліктных сітуацый. А вось за свае правы давядзецца пазмагацца: падбярыце неабходную аргументацыю — тады да вас прыслухаюцца. Неабходна схаваць свае слабыя месцы далей ад поглядаў навакольных.

ДЗЕВА. Магчымыя няпростыя сітуацыі. Верагодна фінансавая залежнасць ад партнёра ці ўстановы. Рыхтуйцеся адказаць за свае словы і абавязацельствы, якія ўзялі. Найлепшай схемай дзейнасці будзе спантаннасць. Цалкам верагодна, што ўсё складзецца само па сабе.

ШАЛІ. Ваша схільнасць да крытыкі іншых можа выклікаць ускладненні і скандалы як на рабоце, так і ў асабістым жыцці. Не спрабуйце жорстка ацэньваць, вучыцеся цярпенню. Старайцеся не толькі добрасумленна працаваць, але і паўнавартасна адпачываць. Больш часу аддавайце сваёй фізічнай форме.

СКАРПІЁН. У пачатку тыдня можаце стаць проста незаменным работнікам, чым бы вы не займаліся. Вас чакае шмат кантактаў, не выключаны кароткія паездкі, пераважна — дзелавога характару. У аўторак не адмаўляйце сабе ў прыемных зносінах. У пятніцу можаце спадзявацца на дапамогу з боку начальства ці старэйшых сваякоў.

СТРАЛЕЦ. З'явіцца шанц для паспяховай самарэалізацыі на работы. Каб дабіцца пастаўленай мэты, ёсць сэнс аб'яднаць намаганні з іншымі людзьмі. Надышоў час задумацца аб ажыццяўленні сваіх жаданняў. Серада стане не самым лепшым днём для тых, хто будзе знаходзіцца ў дальняй паездцы ці камандзіроўцы.

КАЗЯРОГ. Тыдзень абяцае прыемныя і карысныя знаёмствы. Верагодныя ўдалыя перагаворы аб супрацоўніцтве. Перш чым прыняць канчатковае рашэнне па важным пытанні, уважліва ўсё абдумайце. І тады ў вас абавязкова ўсё атрымаецца. У самых рашучых прадстаўнікоў знака можа з'явіцца магчымасць стварыць сумеснае прадпрыемства ці нават пачаць сваю справу.

ВАДАЛІЎ. Каб зрабіць тое, што запланавалі, спатрэбяцца пэўныя намаганні і ўпэўненасць у сабе і сваіх дзеяннях. Засяродзьцеся на самым галоўным. Не звязвайцеся з сумнеўнымі праектамі, а тым больш не рызыкуйце рэпутацыяй.

РЫБЫ. Жыццё будзе стракацець рознымі фарбамі. Работы шмат, але не імкніцеся зрабіць усё адразу. Лепш не нарабіць памылак. Можа спатрэбіцца творчая імправізацыя, пунктуальнасць і сабранасць. Калі скарыстаеце гэтыя якасці, поспех не абміне вас.

Выбар рэдакцыі

Калейдаскоп

Вясёлыя гісторыі чытачоў

Вясёлыя гісторыі чытачоў

Языку дай волю..., Хвалі дзень вечарам, Людзі — добрыя.

Эканоміка

Саветы па развіцці прадпрымальніцтва сталі працаваць больш эфектыўна і вынікова

Саветы па развіцці прадпрымальніцтва сталі працаваць больш эфектыўна і вынікова

Значную ўвагу на развіццё малога і сярэдняга прадпрымальніцтва пачалі звяртаць даўно, прычым на самым высокім дзяржаўным узроўні.

Эканоміка

Ці патаннее жыллё ў наступным годзе?

Ці патаннее жыллё ў наступным годзе?

А што ў сталіцы — тое і ў рэгіёнах.

Спорт

Спартыўны псіхолаг Кацярына Буча распавядае, ці лёгка вырасціць чэмпіёна

Спартыўны псіхолаг Кацярына Буча распавядае, ці лёгка вырасціць чэмпіёна

Як правільна вызначыць від спорту, які падыходзіць для вашага дзіцяці, ці варта ўвогуле прымушаць яго хадзіць на трэніроўкі?