За год да пачатку летняй Алімпіяды ў Токіа аргкамітэт прэзентаваў узнагароды.
Яны правільнай формы, выкананы ў лаканічным і мінімалістычным стылі. Дыяметр кожнага медаля складае 85 міліметраў, таўшчыня змяняецца ад 7,7 да 12,1 міліметра. Вага залатога медаля — 556 грамаў, сярэбранага — 550 грамаў, бронзавага — 450 грамаў.
Залаты медаль зроблены з чыстага серабра і пакрыты 6 грамамі золата. Сярэбраны медаль цалкам складаецца з чыстага серабра. Матэрыял бронзавага медаля — чырвоная латунь (95 % медзі і 5 % цынку). Для вырабу медалёў выкарыстоўваліся каштоўныя металы са старых смартфонаў, лічбавых камер і іншых электронных прылад. Улады Японіі наладзілі збор старых гаджэтаў, каб на працягу двух гадоў сабраць амаль восем тон металаў: каля 40 кілаграмаў золата, 4,9 тоны серабра і 2,9 тоны медзі. Алімпійскія гульні ў Японіі абяцаюць стаць не толькі самымі тэхналагічнымі, але і самымі экалагічнымі. Гульні Токіа-2020 пройдуць з 24 ліпеня да 9 жніўня.
Дар'я ЛАБАЖЭВІЧ
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».