21 верасня, панядзелак

Вы тут

Краса і сіла...


Мсціслаўская крыніца пад назвай «Кагальны калодзеж» знаходзіцца пад замкавай гарою, яна — помнік сакральнай культуры і неад'емная частка мясцовага ландшафту. Апроч таго, гістарычная славутасць сярэднявечнага горада. Сапраўды, гісторыя, якая нагадвае легенду, а таксама якасць пітной вады прывабліваюць гараджан і турыстаў, якіх з кожным годам тут усё больш. Сваю назву крыніца атрымала ад яўрэйскага слова «кагал», што азначае — грамадскі, агульны. Яшчэ ў пачатку мінулага стагоддзя яўрэі-вадавозы (у той час Мсціслаў быў напалову заселены людзьмі гэтай нацыянальнасці) набіралі з крыніцы ваду і прадавалі яе жыхарам. На жаль, пасля апошняй вайны і да пачатку двухтысячных крыніца прыйшла ў занядбанне, але дзякуючы намаганням мясцовай улады і жыхароў горада «калодзеж» быў адноўлены. З «Кагальнага», між іншым, бярэ пачатак ручай Здаравец, што жывіць раку Віхру, якая, у сваю чаргу, з'яўляецца буйным прытокам Сожа.


З навуковых крыніц вядома, што Мсціслаўшчына з'яўляецца важным этнагістарычным рэгіёнам Пасожжа. Да нашага часу захаваліся народныя строі, якія былі адметнасцю побыту жыхароў сярэдзіны XІX і пачатку XX стагоддзя. На падставе каштоўных экспанатаў раённы Дом рамёстваў адрадзіў рэгіянальны строй, каб разумець самабытную культуру, характар і светаўспрыманне сваіх майстравітых папярэднікаў. Такі ўбор — сапраўдны выток, што злучае мінуўшчыну і сучаснасць, візітка Мсціслаўшчыны. На фота дваццацігадовая патомная мсціслаўчанка Дар'я Антонава дэманструе дзявочы строй і гэтым паказвае, як выглядалі маладзіцы, калі віравала жыццё павятовага горада на магілёўска-смаленскім памежжы. Трэба зазначыць, что Дар'я мае самае непасрэднае дачыненне да народнай культуры — яна займаецца харэаграфіяй, вучыць дзяцей мясцовым традыцыйным танцам, выступае ў ролі мадэлі мясцовых куцюр'е. І марыць аб тым, каб традыцыя надзяваць святочны народны строй вярнулася.

Анатоль Кляшчук

Фота аўтара

Выбар рэдакцыі

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.

Грамадства

Як і чым жыве колішняя «памідорная сталіца» Беларусі?

Як і чым жыве колішняя «памідорная сталіца» Беларусі?

Каб адчуць, чым organіc food адрозніваецца ад звыклых для сучаснага гараджаніна прадуктаў, дастаткова пакаштаваць памідоры ў Савічах і параўнаць іх з таматамі з гіпермаркета.

Грамадства

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

Генеральны дырэктар РУП «Белпошта» Святлана Юркевіч: Мы будзем развіваць перш за ўсё паштаматы

На працягу многіх дзесяцігоддзяў пошта асацыіравалася з традыцыйным наборам паслуг — лістамі, пасылкамі, газетамі, пенсіямі... Але сучасныя тэхналогіі ўсё больш уваходзяць у наш побыт.