Вы тут

Аляксандр Лукашэнка: Беларусь гатовая дапамагаць аднаўленню Сірыі


Прэзідэнт Беларусі сустрэўся з намеснікам прэм’ер-міністра Сірыйскай Арабскай Рэспублікі


Чарговы крок у развіцці двухбаковых адносін зроблены сёння ў Палацы Незалежнасці: Прэзідэнт абмяркаваў з намеснікам прэм’ер-міністра — міністрам замежных спраў і па справах эмігрантаў Сірыйскай Арабскай Рэспублікі Валідам аль-Муалемам шырокае кола пытанняў.

Перш за ўсё кіраўнік краіны запрасіў госця чарговы раз упэўніцца, што ён прыехаў да сяброў і ў дружалюбную краіну. Аляксандр Лукашэнка нагадаў, што ўважліва сочыць за сітуацыяй у Сірыі,за падзеямі, якія разгортваюцца на арабскай зямлі.

«Заўсёды, з першых дзён канфлікта мы на баку сірыйскага народу, вашага прэзідэнта. Мы ўсяляк падтрымлівалі справедлівую пазіцыю Сірыі, заўсёды будзем прыхільныя гэтай пазіцыі», — Аляксандр Лукашэнка папрасіў перадаць самыя цёплыя пажаданні народу і кіраўніку Сірыі Асаду Башару ад беларусаў і сябе асабіста.

«Закрытых тэмаў для супрацоўніцтва няма, і Беларусь гатовая зрабіць усё, на што здольная», — выказаў Прэзідэнт гатоўнасць дапамагаць аднаўленню арабскай рэспублікі.

Валід аль-Муалем узаемна перадаў прывітанне Асада Башара і яго пажаданні кіраўніку Беларусі моцнага здароўя і шчасця, а народу краіны — росквіту. Віцэ-прэм’ер выказаў удзячнасць сірыйскага народу за падтрымку, якую Беларусь і яе кіраўнік аказвала з першых дзён крызіса.

«Спадзяемся і разлічваем, што Беларусь будзе ўдзельнічаць у працэсе аднаўлення рэспублікі», — падзяліўся Валід аль-Муалем.

Падчас сустрэчы абмяркоўваліся таксама дзеянні, дзякуючы якім абодва бакі здолеюць узняць узровень эканамічнага супрацоўніцтва да ўзроўню палітычнага. Акрамя таго, Прэзідэнт выказаў гатоўнасць працягнуць праграму аздараўлення і вучобы дзяцей з Сірыі ў Беларусі. Закранулі і шляхі вырашэння канфлікту ў Сірыі.

За некалькі дзён знаходжання ў Беларусі госць адзначыў вялікі прагрэс, якога дасягнула краіна. Гэта афіцыйны візіт у адказ віцэ-прем’ера Сірыі ў Беларусь па запрашэнні міністра замежных спраў Уладзіміра Макея. Дагаворна-прававая база двухбаковых адносін налічвае больш за 30 пагадненняў. Беларусь і Сірыя актыўна ўзаемадзейнічаюць у міжнародных арганізацыях, падтрымліваюць адна адну ў выбарныя органы сістэмы ААН.

Беларускі экспарт у Сірыю фарміруецца пераважна за кошт паставак прадукцыі прадпрыемстваў Дзяржаўнага ваенна-прамысловага камітэту, у стадыі рэалізацыі знаходзяцца кантракты па лініі Дзяржваенпрамкама на суму каля 35 мільёнаў долараў.

Варвара МАРОЗАВА

Выбар рэдакцыі

Культура

Кіно, якога не чакалі — 3. Завяршаем падборку драйвовых беларускіх фільмаў

Кіно, якога не чакалі — 3. Завяршаем падборку драйвовых беларускіх фільмаў

Сфера культуры ярчэй за іншыя паказвае, што калі не працуюць традыцыйныя схемы, прыходзіцца шукаць чорны ўваход. Пошукі часам нараджаюць эксперыменты і выкруты, якія абыходзяць абмежаванні, патэрны і завядзёнку і становяцца найлепшымі знакамі свайго часу. 

Грамадства

Як новыя дасягненні вучоных паляпшаюць якасць жыцця і здароўя чалавека?

Як новыя дасягненні вучоных паляпшаюць якасць жыцця і здароўя чалавека?

Па прагнозах спецыялістаў, не менш як 20 працэнтаў ад аб'ёму тавараў у XXІ стагоддзі будзе за біятэхналогіямі.

Грамадства

Збіраем гардэроб школьніка разам са стылістам

Збіраем гардэроб школьніка разам са стылістам

Пошукі і набыццё «школьнай формы», як па старой звычцы кажуць мамы і таты, — тая яшчэ галаваломка! 

Грамадства

Медыцынскі агляд у віцебскіх газавікоў ажыццяўляе... робат

Медыцынскі агляд у віцебскіх газавікоў ажыццяўляе... робат

А наведвальнiкаў крамы кансультуе выява спецыялiста.