Вы тут

Памёр народны артыст Беларусі Аўгуст Мілаванаў


Народны артыст Беларусі Аўгуст Мілаванаў памёр сёння на 82-м годзе жыцця. Такая інфармацыя размешчана на сайце Нацыянальнага акадэмічнага тэатра імя Янкі Купалы.


"Пайшоў з жыцця наш калега, сябар, натхняльнік, выкладчык і неверагодна таленавіты артыст Аўгуст Лазаравіч Мілаванаў", - гаворыцца ў паведамленні тэатра.

Аўгуст Мілаванаў нарадзіўся ў 1937 годзе ў Сталінградзе. У 1961-м скончыў акцёрскі факультэт Тэатральна-мастацкага інстытута па спецыяльнасці "Акцёр драматычнага тэатра і кіно". Затым працаваў у Беларускім тэатры імя Якуба Коласа ў Віцебску. Праз год пераехаў у Мінск (1962 год). З таго часу Аўгуст Лазарэвіч стаў адным з вядучых артыстаў у Нацыянальным акадэмічным тэатры імя Янкі Купалы.

Творчай манеры Мілаванава былі ўласцівы псіхалагічная дакладнасць характараў, выразнасць ролі, тонкае адчуванне стылю і жанравай прыроды твора. На купалаўскай сцэне артыст стварыў незабыўныя вобразы ў пастаноўках айчынных і замежных драматургаў. Сярод іх - Цяўе-малочнік ў "Памінальнай малітве" Рыгора Горына, Восіп ў гогалеўскім "Рэвізоры", Гаспадар у "Святой прастаце" Андрэя Макаёнка і многія іншыя. Гэтыя сцэнічныя героі ў выкананні Аўгуста Мілаванава ўжо сталі хрэстаматыйнымі, яркай старонкай у гісторыі Купалаўскага тэатра. На творчым рахунку ў артыста некалькі дзясяткаў выдатных роляў, у тым ліку ў аншлагавых і вельмі папулярных пастаноўках з рэпертуару тэатра "Памiнальная малiтва", "Ромул Вялікі".

Акрамя працы ў тэатры, Аўгуст Мілаванаў шмат здымаўся ў кіно, на тэлебачанні, займаўся рэжысёрскай практыкай у аматарскіх тэатрах. Гледачы запомнілі акцёра па ролях мастака Кандрація Сцяпанавіча ў дзіцячай прыгодніцкай стужцы "Бронзавая птушка" (1971 год), вядомага рэвалюцыйнага дзеяча Вячаслава Рудольфавіча Мянжынскага ў тэлесерыяле "Дзяржаўная мяжа" (1982 год), у серыяле "Закон" (2001 г.) ён адыграў бамжа, у серыяле "Каменская" (2000 год) - мастака, у серыяле "Вакзал" (2003 год) - прафесара, у фільме "Трэцяе неба" (2007 год) - Кешу, у серыяле "Талаш" (2011 год) - бацьку Сцяпана, у серыяле "Усё, што нам трэба ..." (2011 год) - лесніка.

З 1967 па 1987 год Аўгуст Мілаванаў выкладаў акцёрскае майстэрства ў Беларускім тэатральна-мастацкім інстытуце (зараз Беларуская дзяржаўная акадэмія мастацтваў). У 1988 годзе яму была прысуджана Дзяржаўная прэмія Беларусі. У 1989 годзе прысвоена званне народнага артыста Беларусі.

Выбар рэдакцыі

Культура

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Алесь Родзім: Рабілі «афармілаўку» для калгасаў, вярталіся ў свае падвалы і працягвалі маляваць

Беларускаму складніку Тахелеса прысвечаны арт-фестываль «Міфалагема тысячагоддзя», што адкрыўся ў прасторы Ок16 15 жніўня.

У свеце

Як развіваецца глабальнае супрацьстаянне ЗША і Кітая?

Як развіваецца глабальнае супрацьстаянне ЗША і Кітая?

Супярэчнасці ў адносінах паміж Вашынгтонам і Пекінам абвастраюцца, і іх можна смела называць гандлёвай вайной.

Грамадства

Якім павінен быць вучэбны дапаможнік у ХХІ стагоддзі?

Якім павінен быць вучэбны дапаможнік у ХХІ стагоддзі?

З 50 выданняў, якія павінны з'явіцца на школьных партах да 1 верасня, 48 ужо надрукаваныя.

Здароўе

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Якія аперацыі беларускія афтальмолагі робяць пры катаракце, глаўкоме і іншых хваробах вачэй

Экзапратэзаванне арбіты не робіцца больш ні ў адной з краін СНД.