Вы тут

20 ліпеня — прэм'ера забаўляльна-пазнавальнага шоу «Тваё месца на кухні»


20 ліпеня ў эфіры тэлеканала «Беларусь 1» смачная прэм'ера — забаўляльна-пазнавальнае шоу «Тваё месца на кухні». І хоць назва гучыць правакацыйна, але гендарных спрэчак у праграме няма.


Затое ёсць кулінарыя: 14 навічкоў і прафесійных кухараў, сярод якіх і мужчыны, і жанчыны, перамяшаныя і ў прыблізна роўных прапорцыях падзеленыя на дзве каманды, спаборнічаюць у хуткасці ды якасці прыгатавання страў высокай кухні.

Заданне — «страву дня» — у кожным выпуску дае шэф-повар аднаго з мінскіх рэстаранаў, Тамаза д'Амата на пару з вядучым, шоўменам Арцёмам Рыбакіным. Напрыканцы ён жа выносіць вердыкт, чыя страва лепшая і правільна прыгатаваная. Тая з камандаў, якая не ўклалася ў час альбо парушыла тэхналогію, лічыцца прайграўшай і будзе вымушаная пазбавіцца аднаго са сваіх удзельнікаў. «Пакінуць праект можа і не адзін удзельнік, — інтрыгуе прадзюсар шоу, — канчатковае слова за нашым шэф-поварам. А ён карэнны італьянец, вельмі імпульсіўны, і калі, палічыць, што нехта сапсаваў страву, — развітаецца без літасці!»

А вось кухара-пераможцу ў фінале арганізатары абяцаюць адзначыць спецыяльным прызам — сертыфікатам на навучанне ў маскоўскай кулінарнай школе. Гледачы ж змогуць занатаваць цікавыя рэцэпты і запомніць дзякуючы фота паслядоўнасць усіх этапаў гатавання, а потым паспрабаваць паўтарыць стварэнне рэстараннай стравы ў сябе на кухні.

Выходзіць шоу «Тваё месца на кухні» будзе па суботах і нядзелях у дзённым эфіры — усяго запланавана 12 выпускаў.

Вікторыя ЦЕЛЯШУК

Фота дадзена студыяй Rуbаkіng Рrоduktіоn

Выбар рэдакцыі

Грамадства

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

У 72-м аб'яднаным вучэбным цэнтры юнакі атрымліваюць і грамадзянскія спецыяльнасці

72-і аб'яднаны вучэбны цэнтр, што ў Печах, — самая вялікая воінская часць у Беларусі. 

Грамадства

Распавядаем, як арганізавана меддапамога ў Паставах

Распавядаем, як арганізавана меддапамога ў Паставах

Самым аддаленым ад абласнога цэнтра раёне краіны.

У свеце

Чаму Дональд Трамп захацеў набыць Грэнландыю?

Чаму Дональд Трамп захацеў набыць Грэнландыю?

Цяпер гэтая аўтаномная тэрыторыя ўваходзіць у склад Каралеўства Данія.

Грамадства

Школы Гомельшчыны прайшлі праверку на гатоўнасць да навучальнага года

Школы Гомельшчыны прайшлі праверку на гатоўнасць да навучальнага года

Сё­ле­та ў да­школь­ныя ўста­но­вы ра­ё­на прый­дзе 2 700 ма­лых.