Вы тут

«Нулявы кіламетр» сучаснай еўрапейскай геадэзіі знойдзены ў Браслаўскім раёне


Кропка, з якой пачалася пабудова геадэзічнай сеткі Расійскай імперыі і ў цэлым агульнаеўрапейская, выяўленая на ўзгорку паблізу аграгарадка Дрысвяты ў Браслаўскім раёне, паведамляе БЕЛТА.


Дрысвяцкі фундамент з'яўляецца першым базісным вымярэннем, адным з апорных бакоў пры стварэнні першых трыангуляцыйных пабудоў у заходняй частцы Расійскай імперыі.

Як распавёў старшыня Дзяржаўнага камітэта па маёмасці Андрэй Гаеў, гэтая кропка была выяўленая па выніках дэталёвых сучасных вымярэнняў. Работы па яе пошуку вяліся ў агульнай складанасці каля 20 гадоў. А пачалося ўсё з адшукання пунктаў Геадэзічнай дугі Струве, якая ўваходзіць у пералік аб'ектаў Сусветнай спадчыны ЮНЕСКА.

Сёння Дрысвяцкі фундамент быў раскапаны: на глыбіні прыкладна 1,5 м пад пластом камянёў апынуўся цагляны мур-перакрыжаванне, закладзены яшчэ ў пачатку XIX стагоддзя. Пацвердзіўшы праз сувязь са спадарожнікам дакладнасць каардынатаў, удзельнікі "экспедыцыі" засыпалі мур назад.

"Сёння мы знайшлі базіс, з якога будуецца сучасная геадэзія. З гэтага пункту пачало развівацца сучаснае вызначэнне каардынатаў і высокадакладны рух, які мы маем сёння. Яна ўжываецца не толькі ў геадэзіі і ўпарадкаванні зямлі, але і ў архітэктуры, для развіцця энергетыкі, транспартных сетак. Абароннны напрамак грунтуецца на вымярэннях, базу якіх заклалі геадэзісты ў 1816 годзе ", - адзначыў Андрэй Гаеў.

Ён падкрэсліў, што гэта прыклад для сучаснага пакалення: як варта ставіцца да працы. У складаных умовах, у любое надвор'е, не валодаючы сучаснымі тэхналогіямі, "людзі рабілі тое, што сёння пацвярджаюць спадарожнікі".

"Гэты пункт будзе ўбудаваны ў сучасную геадэзічную сетку і будзе прыносіць карысць народнагаспадарчаму комплексу", - сказаў Андрэй Гаеў.

Выбар рэдакцыі

Грамадства

Запусцілі найноўшы спецыялiзаваны комплекс для падрыхтоўкi судовых экспертаў

Запусцілі найноўшы спецыялiзаваны комплекс для падрыхтоўкi судовых экспертаў

Дзяржаўнаму камiтэту судовых экспертыз споўнiлася сем гадоў.

Грамадства

Як захаваць сэрца i сасуды здаровымi

Як захаваць сэрца i сасуды здаровымi

Адным з самых распаўсюджаных захворванняў у свеце з'яўляецца артэрыяльная гiпертэнзiя.

Грамадства

Валанцёр праекта «Дапамога бяздомным»: Цяпло i падтрымка нават праз ежу перадаюцца

Валанцёр праекта «Дапамога бяздомным»: Цяпло i падтрымка нават праз ежу перадаюцца

Яны кормяць гарачымi абедамi больш за сто чалавек, якiя апынулiся на абочыне жыцця.

Грамадства

Чаму трэба праводзiць цеплавую мадэрнiзацыю?

Чаму трэба праводзiць цеплавую мадэрнiзацыю?

У распараджэннi, падпiсаным на мiнулым тыднi кiраўнiком дзяржавы, ёсць пункт, якi датычыцца капрамонту жыллёвага фонду.