Вы тут

Мінпрыроды нагадвае аб адказнасці за самавольны збор чырванакніжных раслін


Міністэрства прыродных рэсурсаў і аховы навакольнага асяроддзя нагадвае аб забароне на самавольнае ўзяцце дзікіх жывёл і дзікарослых раслін, якія належаць да відаў, уключаных у Чырвоную кнігу Беларусі, з асяроддзя іх пражывання і росту, іх незаконны абарот, а таксама ўчыненне іншых дзеянняў, якія могуць прывесці да іх гібелі, скарачэння колькасці або парушэння асяроддзя, паведамілі БЕЛТА ў Мінпрыроды.


Мінпрыроды арганізуе работу па выяўленні і ўліку месцаў знаходжання такіх відаў, перадачы іх пад ахову карыстальнікам зямельных участкаў і водных аб'ектаў. Акрамя таго, міністэрства забяспечвае распрацоўку і зацвярджэнне планаў кіравання папуляцыямі рэдкіх відаў дзікіх жывёл і дзікарослых раслін і відаў, якія знаходзяцца пад пагрозай знікнення, планаў дзеянняў па іх захаванні, а таксама можа ўстанаўліваць абмежаванні, забароны або іншыя меры адносна іх аховы, збору, утрымання, захоўвання, экспанавання.

Збор чырванакніжных раслін і паляванне на жывёл-чырванакніжнікаў магчымы толькі на падставе спецыяльнага дазволу. Яго выдае Мінпрыроды па ўзгадненні з Нацыянальнай акадэміяй навук Беларусі ў навуковых мэтах, а таксама для ўсялення (уключаючы рассяленне), інтрадукцыі, рэінтрадукцыі, акліматызацыі, скрыжавання, утрымання і развядзення ў няволі. За самавольны збор або паляванне прадугледжана адказнасць у выглядзе накладання штрафу ў памеры ад 20 да 50 базавых велічынь (1 БВ цяпер складае Br25,5), на індывідуальнага прадпрымальніка - ад 20 да 150 БВ, а на юрыдычную асобу - ад 35 да 500 БВ.

У спісы рэдкіх відаў і відаў, якія знаходзяцца пад пагрозай знікнення на тэрыторыі Беларусі, уключана 202 віды дзікіх жывёл і 303 віды дзікарослых раслін. Такія спісы зацверджаны пастановай Міністэрства прыродных рэсурсаў і аховы навакольнага асяроддзя ад 9 чэрвеня 2014 года нумар 26.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.