Вы тут

Экс-гендырэктар завода "Аптрон" прысуджаны да 11 гадоў калоніі за хабар


Судом Першамайскага раёна Мінска пастаўлены прысуд па крымінальнай справе ў дачыненні да былых службовых асоб прыборабудаўнічага завода "Аптрон", якія абвінавачваюцца ў здзяйсненні шэрагу карупцыйных злачынстваў. Такая інфармацыя размешчана на сайце Вярхоўнага суда.


Прысудам суда экс-гендырэктар прызнаны вінаватым па ч. 2 і ч. 3 арт. 430 КК (атрыманне хабару). Яму прызначана пакаранне ў выглядзе пазбаўлення волі ў папраўчай калоніі ўзмоцненага рэжыму на тэрмін 11 гадоў. Таксама прысуд прадугледжвае канфіскацыю маёмасці і пазбаўленне на 5 гадоў права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, правядзеннем юрыдычна значных дзеянняў.

Былы начальнік службы бяспекі і аховы таго ж прадпрыемства, на думку праваахоўнікаў, быў памагатым свайго кіраўніка, ён садзейнічаў здзяйсненн. злачынства парадамі, указаннямі, прадастаўленнем інфармацыі і аказаннем іншай дапамогі. Мужчына прызнаны вінаватым у дапамаганні ў атрыманні хабару паўторна, шляхам вымагальніцтва і ў асабліва буйным памеры. На падставе ч. 6 арт. 16 ч. 3 арт. 430 КК яму прызначана пакаранне ў выглядзе пазбаўлення волі ў папраўчай калоніі ўзмоцненага рэжыму на тэрмін 5 гадоў з канфіскацыяй маёмасці і з пазбаўленнем на 5 гадоў права займаць пэўныя пасады.

Прысуд не ўступіў у законную сілу і можа быць абскарджаны і апратэставаны ў апеляцыйным парадку.

Выбар рэдакцыі

Эканоміка

Тонкае мастацтва дабрабыту. Складаем сямейны бюджэт разам спецыялістам Нацбанка

Тонкае мастацтва дабрабыту. Складаем сямейны бюджэт разам спецыялістам Нацбанка

2020 год паставіў усіх нас перад неабходнасцю дакладна планаваць свае выдаткі.

Калейдаскоп

Вясёлыя гісторыі чытачоў

Вясёлыя гісторыі чытачоў

Класiкаў трэба ведаць…, Быў бы араты, будзе й прыганяты, Па малiну…

Эканоміка

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

«Мы выказалi прапановы, i нас пачулi». Як дзяржаўныя прэферэнцыi дапамагаюць падтрымаць суб'ектаў гаспадарання

У бiзнес-колах Гродзеншчыны лiчаць, што меры па падтрымцы эканомiкi з'явiлiся своечасова.