Вы тут

Герман Грэф наведаў Парк высокіх тэхналогій


Старшыня Праўлення Ашчаднага банка Расіі Герман Грэф высока ацаніў вынікі працы Парку высокіх тэхналогій і прапанаваў дэталёва вывучыць магчымасці двухбаковага ўзаемадзеяння.


Кіраўнік Ашчадбанка наведаў ПВТ, дзе выступіў з лекцыяй пра тэндэнцыі развіцця штучнага інтэлекту ў Расіі і свеце.

Нефармальная сустрэча з беларускай IT-супольнасцю доўжылася больш за дзве гадзіны. На ёй прысутнічалі стваральнікі і распрацоўшчыкі ўнікальных беларускіх прадуктаў у сферы штучнага інтэлекту, машыннага навучання, дапоўненай і віртуальнай рэальнасці. Абмяркоўваліся пытанні лічбавай даступнасці банкаўскіх паслуг і галоўныя трэнды ў мабільным свеце.

Эксперты сышліся ў меркаванні, што штучны інтэлект непазбежна заменіць сабой многія традыцыйныя прафесіі. Разам з тым, з развіццём тэхналогіі з'яўляюцца цэлыя галіны для новых ведаў і дзесяткі мільёнаў новых працоўных месцаў па ўсім свеце.

Дырэктар ПВТ Усевалад Янчэўскі пазнаёміў Германа Грэфа з асноўнымі напрамкамі работы парку, асаблівасцямі беларускага заканадаўства ў сферы высокіх тэхналогій і перадавымі распрацоўкамі рэзідэнтаў ПВТ.

Кіраўнікі Ашчадбанка і ПВТ дамовіліся аб актыўным супрацоўніцтве ў праектах інавацыйнай адукацыі. Усевалад Янчэўскі адзначыў, што перадавы вопыт Ашчадбанка ў гэтай сферы заслугоўвае самай пільнай увагі.

Выбар рэдакцыі

Спорт

Замена Алімпіядзе. Беларуская лёгкаатлетычная

Замена Алімпіядзе. Беларуская лёгкаатлетычная

Беларуская федэрацыя лёгкай атлетыкі зладзіла свае гульні.

Грамадства

Без чаргі і за лічаныя хвіліны. Як здаюць экспрэс-тэст на каранавірус

Без чаргі і за лічаныя хвіліны. Як здаюць экспрэс-тэст на каранавірус

З мінулага тыдня экспрэс-тэсціраванне на COVІD-19 даступнае ў многіх паліклініках краіны, у тым ліку і ў невялікіх гарадках і пасёлках гарадскога тыпу.

Палітыка

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Лукашэнка даручыў аказаць падтрымку выбаркамам і паклапаціцца аб забеспячэнні бяспекі іх працы

Пра гэта ён заявіў сёння на рабочай сустрэчы з Наталляй Качанавай і Віктарам Шэйманам.