Цікавая навацыя апрабоўваецца ў сельскіх населеных пунктах Мядзельскага і Маладзечанскага раёнаў Мінскай вобласці. Цяпер іх жыхары могуць замовіць дастаўку лекавых сродкаў, медыцынскіх вырабаў і тавараў аптэчнага асартыменту проста на дом. Вядома, калі яны не патрабуюць асаблівых умоў захавання. Пра гэта паведамілі ў РУП «Белпошта», якое праводзіць сумесны эксперымент разам з РУП «Мінская Фармацыя».
Для лекавых сродкаў існуе яшчэ адно абмежаванне. Тыя з іх, якія падлягаюць прадметна-колькаснаму ўліку, маюць анабалічную актыўнасць або выпісаны на льготных умовах, дастаўляцца поштай не будуць. Калі на лякарства трэба рэцэпт, то яго арыгінал патрэбна перадаць паштальёну пры афармленні заяўкі.
Усю дадатковую інфармацыю гатовыя паведаміць у кантакт-цэнтры РУП «Белпошта» па тэлефоне 154.
Валяр'ян ШКЛЕННІК
«Дзесяцігоддзі школьнае харчаванне нашых дзяцей будавалася на аснове зборніка рэцэптур».
Што за таемнымі дзвярыма?
